Duke filluar nga kjo e Hënë, mbyllja e aktiviteteve dhe e qarkullimit shtyhet me dy orë. Ora policore nis në 22:00 të mbrëmjes. Komiteti Teknik i Ekspertëve ka vendosur të lehtësojë disa masa kufizuese pas uljes së numrit të infektimeve dhe vdekjeve nga pandemia.
Në të njëjtin takim, Kominterti ka vendosur gjithashtu se mund të fillojnë fluturimet me Britaninë e Madhe.
Në komunikimin e këtyre vendimeve, ministrja e Shëndetësisë, Ogerta Manastirliu tha se, “Në vlerësim të situatës së 6 javëve të fundit, Komiteti Teknik i Ekspertëve ka vendosur zgjatjen e orës së qarkullimit të qytetarëve deri në orën 22:00 të mbrëmjes, duke filluar nga 12 Prill.
Po kështu, aktivitetin e bareve dhe restoranteve do të jenë të hapura deri në orën 22:00. Do të vijojë të mbeten në fuqi të gjitha masat e orës police nga ora 22:00- 06:00 të mëngjesit”.
Lexo: Ja kur Shqipëria mund të hapet totalisht
Ajo theksoi gjithashtu se, duke marrë në konsideratë përmirësimin e ndjeshëm të situatës së epidemisë në Mbretërinë e Bashkuar, një shtet i cili ka pasur një ecuri shembullore sa i përket vaksinimit, Komiteti Teknik i Ekspertëve ka propozuar rihapjen e fluturimeve me këtë shtet”.
Sipas ministres, lehtësitë vijnë edhe për shkak të nisjes së muajit të Ramazanit, ndërsa ka ftuar qytetarët të vijojnë me zbatimin e masave kundër pandemisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
