Fillimi i shkollës do të shtyhet me dy javë këtë vit. Mësimi do të nisë më 27 shtator dhe jo më 13 shtator siç ishte parashikuar më herët.
Ministrja e Arsimit Evis Kushi deklaroi se shkolla do të jetë e hapur që në datën 1 shtator për mësimet plotësuese, por nxënësit nuk janë të detyruar të shkojnë çdo ditë në shkollë.
Ndërsa mësuesit dhe të gjitha stafet shkollore do të jenë aty me kohë të plotë për të ofruar krahas mësimit plotësues, edhe veprimtari të ndryshme sportive, artistike dhe kulturore.
“Ngritëm një grup pune dhe ky grup pasi vlerësoi programet, analizoi raportet e vitit të kaluar, si dhe duke konsideruar se disa zona aplikuan mësimin online arriti në konkluzion se mësimi plotësues do të ishte më rezultativ nëse zgjerohej me 2 javë të tjera. Vendosëm që viti i ri shkollor të mos fillojë më 13, por në datën 27 shtator. Këtë shtyrje ne e kemi reflektuar edhe në strukturën e viti shkollor për të gjitha nivelet. Në këtë mënyrë edhe mbyllja shtyhet nga data 8 në 17 qershor. Për arsimin e mesëm dhe të lartë, nga data 15 në 24 qershor. Për maturantët shtyhet nga data 1 në 8 qershor. Shkolla hapet që me 1 shtator, do të zhvillohet mësimi plotësues, por do kërkojmë nga shkollat të hartojnë një program të detajuar veprimtarish”, tha Kushi.
Njoftimi i plotë:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English