Një shtëpi e re e ndërtuar në Essex bëhet e para në Britani, që përdor një transaksion me Bitcoin. Madje, jo vetëm në Britani, por edhe në Botë.
Në shitje për £350,000, shtëpia me 4 dhoma, e cila është ende në ndërtim, do të përfundojë në fillim të vitit të ardhshëm, sipas ndërtuesve.
Go Homes, gjithashtu raportoi se po shet edhe një tjetër shtëpi me vlerë £595,000, me Bitcoin. Këto shitje vinë ndërkohë që ekspertët, ngrenë alarmin se Bitcoin mund të jetë “fluska” e rradhës. E gjithë kjo, mund të rezultojë një humbje e madhe për poseduesit e crypto-valutës.
Blerësi të cilit ende nuk i dihet emri, njihet edhe me nofkën “Bitcoin miner”. Kjo sepse ai ka blerë shumë të tilla që në fillimet e saj, dhe sot, ai po gëzon vlerësimin e saj me mbi $17.000 për njësi.
Shtëpia në fjalë, është 1 nga 32 të cilat po ndërtohen në Elmstead Green, Colchester, pranë një fshati të ri.
Avokatët të cilët morrën pjesë në negociata komplekse, nuk e patën të lehtë të arrinin të mbyllnin marrveshjen midis dy palëve.
Land Registry, pranoi gjithashtu që transaksioni të bëhej me Bitcoin. Eksperienca e parë për ata gjithashtu.
Ed Casson, drejtues i shitjeve pranë Go Homes, u shpreh se “Kjo rishkruan librin e rregullave. Dhe tregon se ka edhe mënyra të tjera për të shitur prona. Kjo është hera e parë që një pasuri e patundshme shitet me Bitcoin. Mund të themi, se është historike. Kjo do të bëhet më e shpeshtë në të ardhmen. Ne, po përpiqemi të përqasim teknologjinë sa më shpejt.”
Burimi: The Sun
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
