Në shtëpitë tona, disa gjëra janë kaq të zakonshme sa i marrim të mirëqena. I përdorim çdo ditë, ndonjëherë i pastrojmë, shpesh i harrojmë. Por a e keni menduar ndonjëherë se jasteku juaj mund të jetë më i vjetër se telefoni juaj? Apo se sfungjeri i kuzhinës është strehë për më shumë baktere se një tualet publik?
Epo, është koha për një “refresh”! Dhe jo, nuk po flasim për rrjetet sociale. Më poshtë po ju sjellim një listë praktike, por dhe argëtuese, për të kuptuar se kur është momenti për t’u ndarë me disa prej sendeve më të zakonshme në shtëpinë tuaj.
Lexo gjithashtu: Amazing Albania:Nga Ksamili në Theth, këto janë “highlight”-et e Shqipërisë për 2025-ën
Ajri që thithim, filtrat që na shpëtojnë mushkëritë
Filtrat e pastruesve të ajrit nuk janë vetëm për rehatinë, por shpesh për shëndetin tonë. Nëse keni kafshë shtëpiake ose dikush në shtëpi vuan nga astma, kujdesi duhet të jetë maksimal. Filtrat e kondicionerëve ndërroni çdo 2-3 muaj, ndërsa ata të pastruesve të ajrit si BlueAir apo Molekule, çdo 6-9 muaj.
Këshillë: Vendosni një alarm në telefon për të mos harruar!
A jeni të përgatitur për emergjencat?
-Zjarrfikësja
Pajisje shpëtimtare që shumë shpesh e harrojmë. Ndërroni çdo 10-12 vite (nëse është e përdorshme vetëm një herë), ose kontrolloni dhe rimbushni çdo 6 vjet për ato të rimbushshme.
-Detektorët e tymit dhe monoksidit të karbonit
Ndërroni çdo 7-10 vite, dhe bateritë të paktën një herë në vit.
Një jetë mund të shpëtohet vetëm falë një detektori që funksionon.
Lexo gjithashtu: 11 vjet pa Márquez dhe profecia e tij për një botë të kontrolluar nga teknologjia
Kuzhina, zona më “bakteriale” e shtëpisë
-Sfungjerët
Ndërroni çdo javë (ose sa herë që fillon të mbajë erë).
-Peshqirët e kuzhinës
Ndërroni çdo ditë dhe lani rregullisht. Kur të bëhen të hollë dhe nuk thithin më, shndërrojini në peshqirë për pastrimin e makinës!
-Dërrasat e prerjes
Nëse janë plot me gërvishtje, ndahuni me to pa mëshirë. Plastika zgjat 1-5 vjet, druri pak më shumë.
-Filtër uji
Brita çdo 2 muaj, frigoriferët çdo 6 muaj.
Kuzhina e pastër, zemër e qetë.
Banjoja, më shumë se ç’duket
-Perdja e dushit
Studimet tregojnë se është vendi më i ndotur në banjo. Ndërroni çdo 6 muaj ose nëse shfaq myk.
-Furça dhëmbësh
Çdo 3-4 muaj. Dhe po, shpëlajeni me ujë të ngrohtë para dhe pas përdorimit!
-Sfunga badi
Nëse është natyral, ndërroni çdo muaj. Syntetikët zgjasin deri në 2 muaj.
Banjoja duhet të jetë vendi më i freskët, jo më i frikshëm!
Dhomat e gjumit, aty ku qetësia fshihet pas mikrobeve
-Jastëkët: Nëse zgjoheni me dhimbje qafe apo jastëku duket si petull, ndoshta ka kaluar koha e tij. Ndërroni çdo 1-2 vite.
-Jastëkët e këllëfët: Ndërroni çdo vit dhe lani çdo javë. Një jastëk i papastër ka më shumë baktere se një tualet publik!
-Çarçafët: Ndërroni çdo 18-24 muaj. Dhe për ata që flenë me kafshë shtëpiake… lani më shpesh!
Gjumi i qetë fillon me një krevat të pastër.
Në fund të ditës…
Nuk ka nevojë për panik, por për vetëdijësim. Çdo send në shtëpi ka një “datë skadence” të heshtur. Ndërsa disa mund të riparohen ose riciklohen, të tjerat duhen zëvendësuar për të ruajtur shëndetin, pastërtinë dhe rehatinë tuaj.
Këshillë e fundit? Bëni një listë dhe filloni nga më urgjenti. Shtëpia juaj do t’ju falënderojë!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English