Shqipëria nis zbatimin e rregullave për lehtësimin e tregtisë me BE dhe vendet e CEFTA - Business Magazine Albania

Shqipëria nis zbatimin e rregullave për lehtësimin e tregtisë me BE dhe vendet e CEFTA

lehtësimin e tregtisë

Përmes një njoftimi zyrtar, Drejtoria e Përgjithshme e Doganave ka njoftuar se nisur nga data 1 Shtator 2021 Shqipëria është vendi i parë në rajon që filloi të zbatojë rregullat tranzitore të origjinës të Konventës Pan-Euro-Mesdhetare, si rregulla alternative me BE-në dhe vendet e EFTAs (bazuar në Vendimin 1/2021).

Këto rregulla të reja do të lehtësojnë dhe zhvillojnë më tej tregtinë e ndërsjelltë ndërmjet vendeve pjesëmarrëse në Konventë me të cilat vendi ynë zbaton një marrëveshje të tregtisë së lirë, pasi:

  • Janë më të thjeshta dhe më fleksibël;
  • Lejojnë vazhdimin e zbatimit të kumulimit diagonal;
  • Parashikon zbatimin e kumulimit të plotë të origjinës (me përjashtim të tekstileve);
  • Për produktet e tekstilit (kapitujt 50-63 të nomeklaturës së mallrave) lejohet kumulim i plotë vetëm bilateral, për shembull BE-Shqipëri.
  • Në kuadër të kumulimit të plotë të origjinës, favor i madh i është bërë vendeve të CEFTAs, pasi të gjitha vendet e Ballakanit quhen si një vend. Në lidhje me tekstilet, kjo është mjaft pozitive, sepse proceset që mund të kryhen në vende të ndryshme të CEFTAs konsiderohen se janë kryer në një vend dhe më pas mund të eksportohen në vendin tjetër pasi plotësohet rregulli i kumulimit të plotë bilateral;
  • Parashikohet rregulli i kthimit të detyrimeve doganore (me përjashtim të tekstileve) duke i bërë produktet e tyre më konkuruese. Kjo do të thotë se për materialet jo origjinuese të përdorura për prodhimin e produkteve origjinuese të cilat eksportohen pas regjimit doganor të përpunimit aktiv, nuk paguhet taksa doganore;
  • Rregulli i tolerancës ka ndryshime mjaft pozitive për operatorët, pasi rritet pragu i mundësisë së përdorimit të produkteve jo-origjinuese nga 10% në 15%.
  • Ka avantazhe të reja në certifikatat e origjinës, pasi hiqet certifikata EUR MED dhe Deklarata e Origjinës EUR MED duke lehtësuar procedurat si dhe vlefshmëria e provave të origjinës nga 4 muaj bëhet 10 muaj.

Në lidhje me zbatimin e këtyre rregullave me vendet CEFTA dhe Turqinë, vendi jonë është në pritje të mbylljes së procedurave të brendshme të vendeve CEFTA pasi Shqipëria e ka ratifikuar vendimin 1/2021, ndërsa me Turqinë pritet të miratohet nga të dyja palët ky vendim.

Administrata doganore mbetet e angazhuar për të lehtësuar tregtinë e ligjshme nëpërmjet procedurave të thjeshtuara, shërbimit korrekt 24/7 në të gjitha degët/pikat doganore dhe digjitalizimit të shërbimeve në funksion të rritjes së eksporteve dhe lehtësimit të importit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0