Mundja është sporti ku Shqipëria po shkëlqen më së shumti kohët e fundit. Chermen Valiev, medalisti i parë olimpik në histori për Shqipërinë, ka shënuar një tjetër rezultat të madh me ngjyrat e flamurit kuqezi. 26- vjeçari ka shkëlqyer në ditën e parë të konkurrimit të tij në Kampionatin Europian të mundjes, që po mbahet në Bratislavë. Valiev tregoi edhe një herë një formë fantastike, duke fituar dy ndeshje, teksa siguroi kualifikimin për në finalen e peshave 74 kg në stilin e lirë. Me këtë sukses, Valiev tashmë e ka të sigurt medaljen e argjendit, por mundësi i Shqipërisë do të kërkojë sigurisht të artën, duke vijuar kështu serinë e rezultateve të mëdha ndërkombëtare. Në finale Veliev do të përballet sot me rusin Zaurbek Sidakov, ndeshje e planifikuar mes orës 18:00-20:00.
Paraqitje shumë të mirë bëri dje edhe Zelimkhan Abakarov, i cili mori medaljen e bronztë. Sportisti i Shqipërisë i peshës deri në 61 kilogramë në stilin e lirë fitoi me rezultatin 11 – 0. Më parë Abakarov ka marrë 2 herë medalje argjendi në Europianët e 2023-it dhe 2024-ës, ndërsa është shpallur edhe kampion bote në 2022-in.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
