Shqipëria ka startup-e kreative. Creative Business Cup vlerëson idetë më të mira


Creative Business Cup është një kompeticion që fuqizon sipërmarrësit në industritë kreative, i lidh ato me investitorët dhe tregjet globale dhe rrit aftësitë e tyre inovative në përfitim të industrisë dhe shoqërisë.

Çdo vit, partnerët ndërkombëtarë në të gjithë botën zhvillojnë kompeticionin që nxjerr në pah idetë dhe startup-et më kreative. Organizuar nga Universiteti Marin Barleti dhe Ofiçina, këtë vit u përzgjodhën 26 startup-e nga 85 aplikime, për të vazhduar më tej garën. Shumë prej tyre ishin biznese që kanë klientë dhe operojnë prej disa vitesh në tregun vendas.

Industritë që ata përfaqësonin ishin të larmishme nga fusha e marketingut në agrikulturë dhe dukshëm mund të themi që Shqipëria ka të rinj të talentuar dhe me ide kreative.

“Ky është viti më i mirë i këtij kompeticioni, i cili na njohu me inovacione që i shërbejnë jo vetëm tregut tonë por edhe atij ndërkombëtar. Pjesëmarrja ishte më e lartë, pra dyfish krahasuar me vetëm 12 startupe vitin e kaluar,” thotë për Business Mag Arjan Ymeri, Drejtues i Ofiçina.

Finalja e Creative Business Cup do të mbahet ne Kopenhagen, ku projekti fitues i çmimit të parë do të përfaqësojë Shqipërinë mes 200 startup-eve të huaja. Qeveria daneze ofron gjithashtu një çmim për fituesit, të cilët do të inkubohen në një nga akseleratorët më të mirë në Danimarkë.

Rruga nga të qenit një sipërmarrës për t’u bërë një kompani në rritje është më sfiduese në industritë krijuese se sa për sipërmarrësit në çdo sektor tjetër.

Ajo që e bën të veçantë këtë garë është përfaqësimi në grup dhe mosha e re e pjesëmarrësve.

“Nuk mund të jesh vetëm për të çuar para një startup. Nevojitet bashkëpunim ku secili pjesëtar i grupit shfaq dhe kontribuon me aftësitë e tij,” thotë Arjan Ymeri.

Juria e përfaqësuar nga Jetona Myteveli Koordinatore Kombëtare në projektin IDEA, Steven Kelly i vetmi investitor ëngjëll në Shqipëri, Flutura Veiti drejtuese e një kompanie konsulence, Sokol Vladi drejtor i Microsoft, ofruan mbështetje në mentorim apo facilitete të tjera të nevojshme për zhvillimin e projekteve që nuk u vlerësuan me çmim.

Kriteri kryesor për të qenë fitues në Creative Business Cup është një produkt që i përshtatet çfarëdo lloj tregu në botë. Përkatësisht këto ishin startup-et fituese:

Çmimi i tretë: Days off, një aplikacion që ju njeh me ditët pushim në vende të caktuara. Ti paguan për të parë aktivitetet që zhvillohen në ditët e pushimit në vendet që t’i zgjedh. Grupi është drejt finalizimit të një Beta version. Për të zhvilluar aplikacionin e tyre ata fituan dhe një zyrë pranë Dutch Hub.

Çmimi i dytë: Osiria është një learning management system, i cili lejon universitetet të menaxhojnë proceset brenda sistemit akademik. Produkti ishte i avancuar dhe do të shitet për universitetet shqiptare, por jo vetëm. Prej një viti e gjysmë Universiteti Polis e ka blerë dhe operon me këtë platformë e ndërkohë po testohet dhe në universitete të tjera.

Çmimi i parë: TrinityWiz është një mundësi e shkëlqyer për çdo kompani që shpenzon kohë dhe para të konsiderueshme në reklamat online dhe vetëm do të përmirësohet. Ai ju ndihmon në fushatat tuaja në Facebook ose Instagram, duke ofruar një Sistem Njoftues së bashku me Raportet e Përditshme dhe Javore të Email-it. Krahas çmimit prej 3000 eurove ekipi fitues do të marrë pjesë në finalen globale në Kopenhagen më 1-2 korrik 2019.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale