Ministri i Infrastrukturës dhe Energjisë Damian Gjiknuri dhe Ministri i Ekonomisë së Maqedonisë Kreshnik Bekteshi, përmen drejtorëve të dy agjensive ybatuese, nënshkruan një memorandum mirëkuptimi për të kordinuar projektet e interkonjeksionit të rrjeteve të gazit natyror mes dy vendeve.
Sipas ministrit Gjiknuri, dy vendet janë gati të hapin tenderin për ndërtimin e interkonjeksionit 400 kV dhe në këtë shembull duhet ecur edhe me gazin.
“Nënshkrimi i sotëm mes dy kompanive tona të gazit, është jashtëzakonisht i nevojshëm. Ne kemi mundësi që me këtë projekt të përbashkët që sapo nisim dhe me këtë bashkëpunim të mund të aplikojmë edhe në Bashkimin Evropian për mbështetje financiare pasi është një axhendë që përputhet plotësisht qoftë me procesin e Berlinit apo axhendën e konektivitetit rajonal. Jam i bindur se lidhja me gazsjellës mes Shqipërisë dhe Maqedonisë do të jetë me shumë rëndësi për të dyja vendet. Do të jetë një projekt fizibël me pika dalje afër Bilishtit apo Korçës dhe shumë afër kufirit të Maqedonisë”, tha Gjiknuri.
Sipas ministrit Bekteshi, “Shqipëria dhe Maqedonia janë pjesë e Komunitetit të Energjisë, nga ku rrjedhin edhe shumë obligime”.
Sipas memorandumit të firmosur, parashikohet themelimi i një grupi pune të përbashkët të gazit; vlerësimi dhe hartimi i projektidesë për linjën e interkonjeksionit mes dy vendeve si dhe përcaktim i parametrave teknikë. Objektiv është përgatitja e një dokumenti final, ku të bëhet prezantimi i korridorit si një i vetëm dhe aplikimi në Sekretariatin e Energjisë për të vendosur projektin në listat e projekteve ndërkombëtare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
