Shprehja që na ul vetëbesimin sa herë që e përdorim

Shprehja që na ul vetëbesimin sa herë e përdorim


Mendoni për të gjitha momentet ku përdorni fjalën “më fal” gjatë një dite.

Sigurisht që “më fal” duhet përdorur kur përplaseni me dikë, apo kur ju duhet të anuloni planet e bëra me një mik. Por, ka dhe disa “më fal” të panevojshme. “Më fal, por kjo është një ide e mirë” gjatë një mbledhje, “më fal nëse të bezdis” kur rezervon një takim te parukierja, “më fal, është derdhur një kuti qumështi” në supermarket.

Sociologia kanadeze Maja Jovanovic beson se “më fal” që ne përdorim gjatë ditës na lëndon. Kjo shprehje na bën të dukemi më të vegjël, më të ndrojtur se sa jemi, duke zvogëluar kështu vetëbesimin tonë.

“Herën tjetër kur të jeni përballë dikujt”, thotë Jovanovic, “ju mund të thoni, ‘Të lutem vazhdo’ apo ‘Pas teje’. Gjatë një mbledhje në vend që të thoni “Më falni që ju ndërpres” thoni më mirë “Po sikur,’ ‘Unë kam një ide,’ ‘Do doja të shtoja’ apo ‘Pse nuk provojmë këtë?’. Qëllimi është të tregohemi të sjellshëm pa e minimizuar veten.

‘Më fal’ duhet shmangur edhe në mesazhe apo email-e pune. Për email-et Jovanovic thotë “Ekziston një plug-in në Google Chrome i quajtur ‘just not sorry’, i cili do t’ju njoftojë për të gjitha faljet e panevojshme”. Ndërsa për mesazhet ajo tregon: “Secili prej nesh i është përgjigjur një mesazhi të pa-hapur me “Më fal”. Mos kërkoni falje, më mirë thoni ‘Isha duke punuar’, ‘Isha duke lexuar’, ‘Isha në timon’, etj. Çfarëdo qoftë është më mirë se të kërkosh falje”.

Dhe madje në rastet kur doni të thoni “më fal”, mund të përdorni fjalën magjike “Faleminderit!”.

Cilat janë rastet kur “faleminderit” mund të zëvendësojë një “më fal”? Kur jeni duke biseduar me një mik dhe kuptoni se ju keni folur gjatë gjithë kohës. Në vend të ‘Më fal që gjithmonë ankohem’ apo ‘Më fal që vetëm shfryhem’, ju mund të thoni ‘Faleminderit që më dëgjon’, ‘Faleminderit që je këtu me mua’ apo ‘Faleminderit që je miku apo mikja ime’.

Të njëjtën gjë bën dhe një kamarier i sjellshëm kur ju lë të prisni. Ai nuk thotë “Më fal, por kam shumë ngarkesë sot. Pra, ju do të merrni?”, por ai zgjedh të thotë ‘Faleminderit që më pritet’.

Kjo nuk është një shprehje që duhet hequr nga fjalori, por duhet përdorur më mirë për të mos u ndjerë keq. Mos thoni “Më fal” pa ditur vërtet arsyen pse po e përdorni.

/TEDX

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0