Shoqëria ajrore shqiptare Albawings vazhdon suksesin e saj në treg - Business Magazine Albania

Shoqëria ajrore shqiptare Albawings vazhdon suksesin e saj në treg


  • Shoqëria ajrore vendase operon gjashtë destinacione drejt Italisë me një koeficient mesatar ngarkimi prej më shumë se 90%.
  • Albawings e cila u themelua në Shkurt të vitit 2016, është e angazhuar në ofrimin e shërbimeve të një cilësie të lartë dhe biletave me çmim ekonomik.

Tirana International Airport (TIA) ka kënaqësinë të evidentojë progresin e shënuar nga shoqëria ajrore vendase/shqiptare Albawings e cila u themelua në shkurt të vitit 2016 dhe aktualisht operon gjashtë destinacione drejt Italisë me një koeficient mesatar ngarkimi prej më shumë se 90 përqind.

Shoqëria ajrore filloi operimet me një avion të tipit Boeing 737-500, zgjedhja më e mirë për fluturimet në distanca të shkurtra ndërmjet Shqipërisë dhe Italisë dhe është e angazhuar në ofrimin e biletave me çmim ekonomik.

Albawings ka aktualisht të punësuar rreth 100 njerëz të përkushtuar, ku pjesa më e madhe e tyre zotërojnë përvojë të gjerë në industrinë e turizmit dhe shoqërive ajrore.

Së shpejti, shoqëria ajrore vendase në fjalë pritet të operojë me një avion të dytë Boeing 737-400 me 168 vende që t’i shërbejë numrit në rritje të pasagjerëve të parashikuar për festat e fundvitit.

Ndikuar nga rritja e numrit të fluturimeve dhe destinacioneve të operuara nga shoqëritë ajrore, trafiku i pasagjerëve të Tirana International Airport u rrit ndjeshëm me 8% në 2016 krahasuar me vitin 2015.

Gjithashtu, Aeroporti ka mirëpritur tre shoqëri te reja ajrore gjatë këtij viti si dhe ka filluar operimin e katër destinacioneve me një total prej 14 shoqërish ajrore të cilat lidhin 36 destinacione përgjatë vitit.

Vetëm pak ditë më parë, aeroporti arriti shifrën e dy milonë pasagjerëve duke shënuar kështu një fazë të rëndësishme zhvillimi.

Së bashku me Albawings, gjatë vitit 2016, dy shoqëri të tjera ajrore filluan operimet në TIA: Volotea Airlines dhe Mistral Air.

Burimi: tirana-airport.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0