Shkupi zyrtar shpalli krizën në sektorin e energjetikës, një vendim që hyn në fuqi në 1 shtator e zgjat 30 ditë. Qëllimi është që përmes kësaj lëvizjeje, kompanive shtetërore energjetike t`u krijohet mundësia të marrin sa më lehtë dhe sa më shpejt para nga buxheti i shtetit për prodhimin dhe blerjen e energjisë elektrike, si dhe për blerjen e naftës dhe qymyrit.
Shkupi zyrtar shpalli krizën në sektorin e energjetikës, një vendim që hyn në fuqi në 1 shtator e zgjat 30 ditë. Qëllimi është që përmes kësaj lëvizjeje, kompanive shtetërore energjetike t`u krijohet mundësia të marrin sa më lehtë dhe sa më shpejt para nga buxheti i shtetit për prodhimin dhe blerjen e energjisë elektrike, si dhe për blerjen e naftës dhe qymyrit.
Lexo edhe: Maqedonia e Veriut me masa të reja për kursimin e energjisë elektrike
Ministri i ekonomisë, Kreshnik Bekteshi, propozoi madje që gjendja e krizës të vazhdojë deri në muajin mars të vitit 2023, por fjalën e fundit për këtë e kanë deputetët. “Kuvendi dhe ligjvënësit kanë të drejtë të vazhdojnë gjendjen e krizës në sektorin e energjetikës. Propozoj që gjendja e krizës të vazhdojë për aq kohë sa zgjat sezoni i ngrohjes”, tha ai pas mbledhjes së qeverisë. Në bazë të ligjeve në Maqedonisë së Veriut, ekzekutivi mund të marr vendim për gjendje krize vetëm për 30 ditë.
Nga 1 shtatori hyjnë në fuqi edhe masat e qeverisë për kursimin e energjisë elektrike, që i detyrojnë institucionet shtetërore të ulin faturat e energjisë elektrike deri në 15 për qind. Ndërsa qytetarëve dhe kompanitë private vetëm u rekomandohet që të kursejnë energjinë elektrike sa më shumë që të jetë e mundur. Në mesin e këtyre masave përfshihet ndërprerja e ndriçimit dekorativ të fasadave në institucione dhe në monumentet kulturore, si dhe mbyllja e dritave, kompjuterëve dhe të gjitha pajisjeve elektronike, në momentin që punonjësit largohen nga ndërtesat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
