Shkon në 304 numri i të prekurve me koronavirus në Shqipëri

27 persona të prekur me Covid-19 janë zbuluar në 24 orët e fundit, duke e çuar numrin total në 304 të infektuar.

Mes 27 të prekurve, 12 persona janë identifikuar në Shkodër. Ata janë anëtarët e dy familjeve.

Në informimin e përditshëm nga Ministria e Shëndetësisë, zv/ministrja Mira Rakacolli njoftoi se harta e të prekurve nga COVID-19 në 24 orë, është zgjeruar në Tiranë, Durrës,Fier dhe Shkodër.

Në 24 orët e fundit janë testuar 112 persona të dyshuar, ndërsa në total janë testuar 2031 persona, ku:

– 304 persona janë të prekur nga koronavirusi,

– 89 janë shëruar,

– 16 kanë vdekur,

– 73 persona janë të shtruar në spitalin Infektiv dhe 4 në Sanatorium,

– 7 prej tyre janë në terapi intensive, 2 prej të cilëve në frymëmarrje të drejtuar.

Pjesa tjetër e pacientëve është e vetëkarantinuar në shtëpi.

Mosha mesatare e të prekurve me koronavirus është 50 vjeç.

Përhapja e koronavirusit deri më 3 prill është sipas këtyre zonave:

— Në Tiranë: 146 persona;

— Në Durrës: 32 persona;

— Në Fier:  25 persona;

— Në Lushnje: 4 persona;

— Në Elbasan:  8 persona;

— Në Rrogozhinë: 2 persona;

— Në Kavajë: 8 persona;

— Në Korçë: 16 persona;

— Në Vlorë: 5 persona;

— Në Shkodër: 22 persona;

— Në Lezhë: 1 person;

— Në Has: 8 persona;

— Në Berat: 1 person;

— Në Krujë: 5 persona;

— Në Tropojë: 4 persona;

— Në Pukë: 4 persona;

— Në Mirditë: 3 persona.