Shkolla Verore 2018: "Sipërmarrja dhe Inovacioni"

Shkolla Verore 2018: “Sipërmarrja dhe Inovacioni”


Në ditët e sotme, të rinjtë po synojnë gjithnjë e më shumë drejt sipërmarrjes dhe biznesit të ri. Por, për të qenë një sipërmarrës i suksesshëm nuk mjafton vetëm dëshira për të qenë i tillë. Një sipërmarrës i suksesshëm duhet të ketë aftësitë, por mbi të gjitha, njohuritë e duhura mbi sipërmarrjen, biznesin dhe çdo gjë tjetër në lidhje me këtë fushë.

Ndaj, nëse sapo ke mbaruar gjimnazin, të ftojmë të bashkohesh në eventin tonë Summer School 2018 – Sipërmarrja dhe Inovacioni.

Ky event do të zgjasë plot 6 ditë në vendin e bukur të Rrjollës, Velipojë.

Qëllimi i këtij eventi ështe argëtimi dhe mësimi mbi sipërmarrjen në të njëjtën kohë. Krahas lojërave të ndryshme të bazuara në njohjen me njëri – tjetrin, bashkëpunimin në grup, shkathtësinë, do të ketë dhe leksione dedikuar njohurive bazë të sipërmarrjes dhe inovacionit. Pedagogë të mirënjohur do të zhvillojne këto leksione duke u bazuar në bashkëbisedimin mbi temat:

-Çliro idetë e tua!
-Shkrimi i një plani biznesi
-Biznesi ka vetëm dy funksione: Inovacion dhe Marketing (part 1 – Inovacioni)
-Biznesi ka vetëm dy funksione: Inovacion dhe Marketing (part 2 – Marketing)

Tarifa për çdo pjesëmarrës do të jetë 3500 lekë të reja, ku përfshihet:

-Transporti vajtje-ardhje
-Akomodimi
-Aktivitetet dhe veprimtaritë gjatë gjithë eventit
-Mëngjesi, Dreka, Darka

“Summer School 2018” organizohet nga disa studentë të pavarur të Universitetit Metropolitan, për më shumë informacion ju lutem kontaktoni në:

Email: shkollaverore2018@gmail.com

Facebook: https://www.facebook.com/Summer-School-2018-131717894269689/

Instagram: https://www.instagram.com/summerschool.2018/

Web: http://www.jamstudent.com/

Nxitoni të aplikoni pasi thirrja zgjat deri në datën 24 Qershor dhe numri i pranimeve do të jetë i kufizuar deri në 35 pjesëmarrës!!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0