Shkencëtarët kanë krijuar embrione njerëzore sintetike, duke përdorur qeliza staminale. Kjo është një arritje revolucionare që anashkalon nevojën për vezë apo spermë.
Shkencëtarët pohojnë se këto embrione model, të cilat ngjajnë me ato në fazat e hershme të zhvillimit njerëzor, mund të japin informacion vendimtar në lidhje me efektet e çrregullimeve gjenetike dhe shkaqet biologjike të abortit të përsëritur, thekson The Guardian.
Megjithatë, kjo është një arritje shkencore që ngre çështje serioze etike dhe ligjore, pasi subjektet e rritura në laboratorë janë në kundërshtim me legjislacionin aktual në Mbretërinë e Bashkuar dhe në legjislacionin e shumicës së vendeve të botës.
Embrionet sintetike nuk kanë një zemër apo ndonjë formë të hershme të trurit, por përfshijnë qeliza që në një fazë të mëvonshme zakonisht do të formonin placentën, qesen e verdhë veze dhe vetë embrionin.
Lexo: Kurohet nga HIV gruaja e parë në botë falë qelizave staminale të të porsalindurve
“Ne mund të krijojmë shabllone që duken si embrion njerëzor duke riprogramuar qelizat staminale (embrionale),” shpjegoi dje profesoresha Magdalena Żernicka-Goetz e Universitetit të Kembrixhit dhe Institutit të Teknologjisë në Kaliforni, gjatë prezantimit të hulumtimit në takimin vjetor, të Shoqërisë Ndërkombëtare për Hulumtimi i qelizave staminale në Boston.
Nuk ka asnjë perspektivë të përdorimit klinik të embrioneve sintetike në të ardhmen e afërt: do të ishte e paligjshme implantimi i tyre në mitrën e një pacienti dhe nuk është ende e qartë nëse këto “struktura” kanë potencialin për të vazhduar maturimin përtej fazave të hershme të zhvillimit.
Moti për studiuesit, siç shpjegon punimi, është të kuptojnë periudhën e zhvillimit të embrioneve të quajtur “kutia e zezë”. Ky emër është për faktin se, duke qenë se shkencëtarët lejohen të rritin embrion në laborator vetëm deri në kufirin ligjor prej 14 ditësh. Më pas ata ndjekin rrjedhën e zhvillimit shumë më tej duke parë skanimet e shtatzënisë dhe embrionet e dhuruara për kërkime.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English