Shtetet e Bashkuara të Amerikës pritet të shpallin ndalimin e importit të naftës ruse, një lëvizje kjo që do t’i kushtojë nërdërprerjen e 8% të importeve vjetore të Amerikës.
Lajmi për këtë deklaratë që pritet të bëhet publike, e konfirmuar për CNBC nga dy individë, çoi në rritjen e çmimeve në tregun e naftës.
Nafta e papërpunuar WTI u rrit me 4.5% duke arritur çmimin 124$ për fuçi pas raportimeve më të fundit për pezullimin e importeve nga Rusia. Nafta e papërnuar Brent, u rrit me 5% pra rreth 129$ për fuçi.
Kjo lëvizje vjen si rezultat teksa komuniteti ndërkombëtar po përpiqet me sa mundet të ndëshkojë ekonomikisht Rusinë si përgjigje ndaj pushtimit të Ukrainës.
Lexo edhe: Tri fusha ku SHBA do të ndërhyjë në luftën e Rusisë ndaj Ukrainës
“Thjesht nuk mund të mbështetemi tek një ofrues i cili na kërcënon,” tha Presidentja e Komisionit Evropian, Ursula von der Leyen në një deklaratë për shtyp.
Shtëpia e Bardhë dhe Depratmaneti i Energjisë nuk ju përgjigjën kërkesave për koment. Por Shtëpia e Bardhë përditësoi axhendën e Presidentit Biden këtë të martë duke përfshirë në axhendë një deklaratë të sanksioneve të reja të SHBA-ve për të vënë Rusinë para përgjegjësisë së luftës së pajustifikueshme në Ukrainë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English