Shtetet e Bashkuara mund të mbeten pa fonde për të paguar detyrimet e tyre të borxhit – duke shkaktuar një mospagim katastrofik – që në fillim të qershorit, tha të hënën Sekretarja e Thesarit Janet Yellen, ndërsa politikëbërësit diskutojnë për rritjen e tavanit të borxhit.
Javën e kaluar, Dhoma e Përfaqësuesve, e udhëhequr nga republikanët votoi për heqjen e kufirit kombëtar të huamarrjes, por vetëm me shkurtime drastike, pasi ata kërkuan një përballje me Presidentin Joe Biden, lidhur me shpenzimet e tepërta.
Por Biden ka refuzuar të pranojë shkurtimin e shpenzimeve për të rritur kufirin e borxhit.
Ndërsa Shtetet e Bashkuara arritën kufirin e huamarrjes prej 31.4 trilion dollarësh në janar, Thesari ka marrë masa të jashtëzakonshme që e lejojnë atë të vazhdojë financimin e aktiviteteve të qeverisë.
Lexo edhe: 19 shtete kundër dollarit. A do ia dalin dot?
Nëse tavani i borxhit nuk ngrihet ose pezullohet nga Kongresi përpara se të shterojnë mjetet aktuale, qeveria rrezikon të mos paguajë detyrimet e pagesës, me pasoja të thella për ekonominë.
“Vlerësimi ynë më i mirë është se ne nuk do të jemi në gjendje të vazhdojmë të përmbushim të gjitha detyrimet e qeverisë deri në fillim të qershorit, dhe potencialisht deri më 1 qershor, nëse Kongresi nuk e ngre ose pezullon kufirin e borxhit përpara kësaj kohe,” tha Yellen në një letër drejtuar kryetarit të Dhomës së Përfaqësuesve Kevin McCarthy dhe liderëve të tjerë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
