Fëmijët nën 18 vjeç dhe njerëzit nga dhjetëra vende me mungesë vaksinash do të përjashtohen nga rregullat e reja që do të kërkojnë që shumica e udhëtarëve në Shtetet e Bashkuara të vaksinohen kundër COVID-19, njoftoi administrata e Biden.
Shteti amerikan do t’u kërkojë kompanive ajrore të mbledhin informacione kontakti për pasagjerët, pavarësisht nëse ata janë vaksinuar, për të ndihmuar në gjurmimin e kontakteve, nëse do të jetë e nevojshme.
Duke filluar nga 8 Nëntori, të rriturit e huaj, jo emigrantë që udhëtojnë për në Shtetet e Bashkuara do të duhet të vaksinohen plotësisht, me përjashtime të kufizuara, dhe të gjithë udhëtarët do të duhet të testohen për virusin përpara se të hipin në një aeroplan për në SHBA. Do të ketë kufizime të forta për shtetasit amerikanë dhe të huaj që nuk janë plotësisht të vaksinuar.
Politika e re vjen pasi administrata Biden largohet nga kufizimet që ndalojnë udhëtimet jo thelbësore nga disa dhjetëra vende, shumica e Europës, Kina, Brazili, Afrika e Jugut, India dhe Irani dhe në vend të kësaj fokusohet në klasifikimin e individëve sipas rrezikut që ata paraqesin ndaj të tjerëve.
Lexoni: Italia forcon masat me Shqipërinë. Ja cilat janë rregullat e reja
Sipas politikës, ata që janë të vaksinuar do të duhet të tregojnë prova të një testi negativ për COVID-19 brenda tre ditëve të udhëtimit, ndërsa të pavaksinuarit duhet të paraqesin një test të kryer brenda një dite nga udhëtimi.
Fëmijëve nën 18 vjeç nuk do t’u kërkohet të vaksinohen plotësisht për shkak të vonesave në kualifikimin e tyre për vaksina në shumë vende. Ata do të duhet ende të bëjnë një test për COVID-19, mbi 2 vjeç.
Përjashtohen nga kërkesa për vaksinim edhe njerëz që morën pjesë në provat klinike për COVID-19, të cilët kishin reaksione të rënda alergjike ndaj vaksinave ose janë nga një vend, ku vaksinat nuk janë gjerësisht të disponueshme.
Këta të fundit, mund të pranohen në SHBA me një letër qeveritare që autorizon udhëtimin për një arsye bindëse dhe jo vetëm për turizëm, tha një zyrtar i lartë i administratës. Zyrtari vlerësoi se ka rreth 50 vende të tilla.
SHBA do të pranojë çdo vaksinë të miratuar për përdorim të rregullt ose urgjent nga Administrata e Ushqimit dhe Barnave e SHBA-së ose Organizata Botërore e Shëndetësisë. Përfshihen vaksinat: Pfizer, Moderna, Johnson & Johnson, AstraZeneca, Sinopharm dhe Sinovac të Kinës. Përzierja dhe përputhja e dozave të miratuara do të lejohet.
Linjave ajrore do t’u kërkohet të zbatojnë procedurat e reja dhe të verifikojnë të dhënat e vaksinave e t’i përshtasin ato me informacionin e identitetit.
Oficerët e karantinës nga Qendrat për Kontrollin dhe Parandalimin e Sëmundjeve do të kontrollojnë në vend pasagjerët që mbërrijnë në SHBA për pajtueshmërinë, sipas një zyrtari të administratës. Linjat ajrore që nuk i zbatojnë kërkesat mund t’i nënshtrohen gjobave deri në 35,000 dollarë.
Rregullat e reja do të zëvendësojnë kufizimet që filluan në janar 2020, kur Presidenti Donald Trump ndaloi shumicën e qytetarëve jo-amerikanë të vijnë nga Kina.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
