Një kompani me bazë në Britaninë e Madhe, pritet të lëshojë qëllimisht qindra mushkonja të modifikuara gjenetikisht në Florida. Mund të tingëllojë si një histori fantastiko-shkencore, por ka marrë bekimin e autoriteteve lokale për t’u bërë realitet. Kompania teknologjike “Insect-combatting” , ka krijuar një mushkonjë mashkull të modifikuar, pasardhësit e të cilit ngordhin përpara se të lindin.
Kompania e cila do të zhvillojë projektin, e ka quajtur mushkonjën OX5034 dhe e konsideron një mënyrë alternative për dezinfektim. Projektuesit kanë në plan që të lëshojnë 750 milion mushkonja të tilla. Ata kanë marrë aprovimin nga Agjencia për Mbrojtjen e Mjedisit dhe nga 7 agjenci të tjera në Florida. Sipas CNN, studiuesit kanë kërkuar aprovimin që prej një dekade. Mushkonjat e modifikuara gjenetikisht janë testuar në ishujt Kajman, Panama dhe Brazil, dhe firma ka raportuar sukses të madh, pasi në pjesën urbane të Brazilit, numri i mushkonjave ka rënë me 95%.
Mushkonjat e modifikuara do të lëshohen në Florida për një periudhë 2-vjeçare, që prej kësaj vere. Verën e ardhshme mushkonjat do të lëshohen në Harris County dhe Texas. Projekti ndërkohë është kundërshtuar nga Organizatat mjedisore, të cilat shprehen se tashmë është koha për t’u fokusuar tek COVID-19. Grupet mjedisore shqetësohen se përhapja e gjeneve mashkullore të modifikuar gjenetikisht në natyrë mund të dëmtojë speciet e rrezikuara të shpendëve, insekteve dhe gjitarëve që ushqehen me to.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
