SH.B.A. humbi 45% të bankave tregtare që nga viti 2000, por të ardhurat neto u rritën me 207% - Business Magazine Albania

SH.B.A. humbi 45% të bankave tregtare që nga viti 2000, por të ardhurat neto u rritën me 207%

Faktorë të ndryshëm kanë shkaktuar mbylljen e bankave tregtare të Shteteve të Bashkuara me gati 50% gjatë njëzet viteve të fundit. Të dhënat e Finbold.com tregojnë se numri i përgjithshëm i bankave tregtare në SH.B.A. ka rënë me 45.65% që nga viti 2000. Në fillim të shekullit, numri ishte në 8,315, ndërsa në vitin 2020, parashikohet të shkojë në 4,376.

Studimi u fokusua gjithashtu tek ardhurat neto të bankave tregtare të SH.B.A.-së midis 2000 dhe 2019. Pavarësisht numrit në rënie të bankave tregtare, ata kanë regjistruar një rritje të ardhurave neto me 207.38%.  Në vitin 2000, të ardhurat neto ishin 70.79 miliardë dollarë, ndërsa në vitin 2019, kapën shifrat e 217.6 miliardë dollarë. Të ardhurat neto më të ulta u regjistruan në 2009 me 11,61 miliardë dollarë. Rënia rekord u regjistrua në prag të krizës ekonomike që goditi botën.

Kriza financiare përshpejtoi mbylljet e bankave

Mbyllja e bankave tregtare në SH.B.A. është ndikuar kryesisht nga ndryshimi i preferencave të konsumatorëve dhe përmirësimet në teknologjinë financiare. Në të kaluarën, klientët u janë drejtuar gjithnjë e më shumë ATM-ve, e-banking dhe aplikacioneve për të kryer procedurat rutinë. Kjo do të thotë që bankat mund të mbyllin degët më pak fitimprurëse pa sakrifikuar pjesën e tyre tw tregut.

Siç tregojnë të dhënat, gjatë krizës ekonomike të vitit 2009, të ardhurat neto të bankave tregtare të SHBA ranë ndjeshëm. Vlen të përmendet se në vitin 2020, koronavirusi shkaktoi një krizë financiare globale. Nëse ka një rënie në të ardhurat neto, nuk do të jetë me të njëjtën madhësi të një dekade më parë, pasi që shumica e bankave u mbështetën në zgjidhje teknologjike për të vazhduar shërbimin. Veçanërisht, shumica e bankave kanë krijuar produkte të reja, posaçërisht për të përmbushur klientët digjitalë.

Pandemia gjithashtu ka përshpejtuar mbylljen e bankave në SH.B.A. Gjatë krizës, mbyllja e degëve shihet si një mënyrë e ruajtjes së kapitalit, i cili përmirëson fitimet dhe rrit kapitalin. Në përgjithësi, pandemia i ka detyruar bankat të ristrukturojnë degët e tyre ose mbylljen e disa prej degëve të tyre. Potencialisht, kriza do të ketë një ndikim të zgjatur në industrinë bankare.

Mbylljet e bankave është përshpejtuar gjithashtu edhe pas krizës ekonomike të vitit 2009 kryesisht për shkak të një vale bashkimesh dhe blerjesh (M&A). Kriza ofroi një mundësi për të ulur koston përmes mbylljeve së zyrave joeficente. Kriza më tej detyroi shumicën e bankave të ndërpresin operacionet e tyre pas presioneve për të siguruar fitime, kjo për shkak të normave me interes të ulët dhe rritjes së kostove rregullatore.

Banking në të ardhmen 

Ndërsa më shumë preferojnë e-banking, bankat me degë të mëdha po punojnë me shpejtësi për të zvogëluar dëmet. Shumica e bankave vazhdojnë të përgatiten për mbylljet duke caktuar ambasadorë dixhitalë për të edukuar klientët brenda degëve të tyre për opsionet e ndryshme digjitale që disponojnë. Nga ky këndvështrim, bankat në mënyrë aktive inkurajojnë klientët të përdorin kanale digjitale për të kryer biznesin e tyre.

Nga trendi, është e pashmangshme që tendenca e mbylljes së degës do të vazhdojë ndërsa evoluojnë preferencat e konsumatorit dhe teknologjia financiare përfshihet në jetën e njerëzve.

Duket e pashmangshme që konsumatorët dhe bizneset gjithnjë e më shumë do të kenë akses në shërbimet bankare me ndihmën e teknologjisë. Megjithëse disa banka po rrisin numrin e degë të tyre, numri nuk ka arritur të përputhet me mbylljet.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0