Sekreti i kompanisë Boring të Elon Musk mund të zbulohet jashtë kësaj bote


Ka pasur një sasi të konsiderueshme misteresh dhe spekulimesh rreth kompanisë Boring të Elon Musk-përpjekjes së tij për të ndërtuar tunele nën Los Angeles për të shmangur trafikun – dhe lidhjen e saj të mundshme me SpaceX.

Të mërkurën, Musk i dha fund këtij misteri.

Duke u paraqitur si mysafir në Konferencën Ndërkombëtare të Kërkimeve dhe Zhvillimit të Stacionit Hapësinor (ISSR & D) në Washington, D.C, Musk kaloi pjesën më të madhe të kohës duke folur për misionet më të fundit SpaceX dhe mendimet e tij në lidhje me përpjekjet ndërkombëtare të udhëtimit hapësinor.

Por gjatë sesionit të pyetjeve dhe përgjigjeve, një anëtar i publikut pyeti atë që ne të gjithë e kishim në mendje: A është kompania Boring thjesht një praktikë për ndërtimin e tuneleve në Mars?

“Unë mendoj se gërmimi i tuneleve mund të jetë vërtetë shumë i dobishëm në Mars,” tha Musk. “Do të ishte një optimizim i ndryshëm për një makinë shpimi të Marsit kundrejt një makine shpimi të Tokës. Sigurisht që do të ketë shumë miniera akulli në Mars dhe miniera në përgjithësi për të marrë materiale të papërpunuara.”

Lexoni: 8 gjërat që nuk i dini për Elon Musk

Po, natyrisht, do të duhej të përdorim makina shpimi për të na ndihmuar të gjejmë burimet dhe akullin.

“Duke u aftësuar në gërmimin e tuneleve mund të jetë me të vërtetë e dobishme për Marsin … ju mund të ndërtoni një qytet të tërë nën tokë nëse dëshironi.”

“Njerëzit ende do të duan të shkojnë në sipërfaqe kohë pas kohe, por ju mund të ndërtoni një sasi të jashtëzakonshme nëntokësore me teknologjinë e duhur në Mars. Prandaj mendoj se ekziston një mbivendosje në këtë arenë të zhvillimit të teknologjisë.”

Sekreti i kompanisë Boring të Elon Musk mund të zbulohet jashtë kësaj bote

Musk nuk do të shkonte aq larg sa të thoshte se qëllimi primar (i fshehtë) i kompanisë Boring ishte të provonte teknikat e ndërtimit të kolonisë së Marsit, në vend që thjesht të shmangte trafikun e Tokës, por me këto deklarata ai erdhi shumë afër.

Përgjatë këtyre linjave, një tjetër pjesëmarrës e pyeti Musk-un rreth rreziqeve të mundshme të përmendura në trupin e njeriut lidhur me udhëtimin në hapësirë në rrugën për në Mars (dëmtimi nga rrezatimi etj.).

“Shkuarja në Mars nuk është për të sëmurët me zemër”, tha Musk. “Është e rrezikshme, e pakëndshme dhe mund të vdisni. Me këtë që thashë a doni tani të shkoni? Për disa përgjigjia do të jetë: JO. Për disa, do të jetë: PO.

Lexoni: Elon Musk në TED Talk: Ja si do të funksionojnë rrjetet nëntokësore të makinave

Kjo përgjigje e bëri publikun të qeshë, por është një shqetësim i vërtetë dhe ai nuk po përpiqet ta zvogëlojë atë. Megjithatë duke parë dekada përpara, Musk nuk mendon se çështja e rrezatimit do t’i ndalojë njerëzit të udhëtojnë në hapësirë.

“Unë nuk mendoj se ju do të merrni rrezatim deri në vdekje,” tha Musk. “Me një mbrojtje të moderuar ne mund të shkurtojmë një përqindje të madhe të rrezatimit, kështu që rreziku i kancerit nuk është diçka që do të jetë një ndalesë.”

Musk e përmbylli duke thënë se nëse siguria është qëllimi juaj kryesor, unë për vete nuk do të shkoja në Mars.

burimi: Mashable

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale