Është gjithmonë befasuese sa shumë njerëz janë të patrembur kur bëhet fjalë për mbajtjen e fjalimeve dhe prezantimeve para audiencave të mëdha, por ngurrojnë kur vjen fjala për të bërë biseda të vogla.Të flasësh me të panjohur — qoftë në punë, në ashensor, gjatë eventeve sociale apo në seminare biznesi — kërkon një lloj improvizimi të guximshëm që shumë njerëz e konsiderojnë të frikshëm.
Por ata që e përvetësojnë artin e bisedave të çastit përfitojnë shumë. Kjo është e dobishme profesionalisht dhe shoqërisht. Është e shëndetshme mendërisht, emocionalisht dhe fizikisht, veçanërisht në një kohë kur izolimi konsiderohet një faktor rreziku për sëmundjet e zemrës dhe goditjet në tru. Dhe, pasi ta kesh mësuar, është edhe argëtuese. Biseduesit e aftë shpesh perceptohen si njerëz që janë natyrshëm të hijshëm dhe karizmatikë. Por aftësia për të bërë biseda spontane është një aftësi që mund të mësohet.
Herën tjetër kur dëshiron të dish si të thyesh akullin me një të huaj që duket i këndshëm, ndiq me qetësi këto tre hapa:
- Qetësohu
Merr frymë. Nuk po sulmon plazhet e Normandisë. Thjesht po pranon praninë e një personi tjetër dhe po ofron një ftesë pa obligime për të biseduar. Nëse përpjekja për të bërë bisedë të vogël dështon, do të rikuperohesh brenda pak çastesh dhe do të jesh më i fortë për përpjekjen e bërë. Në rregull, ndoshta do të ndihesh i sikletshëm. Edhe bashkëbiseduesi yt mund të ndjehet në siklet. Mund të të refuzojnë. Por ata mund të jenë të lehtësuar që kanë shoqëri. Nëse jo, dhimbja e dështimit do të jetë e shkurtër dhe e menaxhueshme. Tani që ke një mendje të qetë, bëj një pauzë për të vëzhguar nëse po ndërpret ndonjë bisedë . Nëse nuk ka arsye për të menduar se vëmendja jote do të konsiderohet e papërshtatshme, provo një qasje.
Lexo edhe:Çdo produkt e shërbim e ka diku një zbritje. Kupona.al zgjidhje ekonomike për çdo kuletë
- Harro të jesh i thellë, i ftohtë ose “i vërtetë”
Kur e di paraprakisht se një bisedë e parë mund të jetë sipërfaqësore ose e pandershme, është e lehtë të vendosësh se nuk ia vlen të përpiqesh. Ja pse ia vlen: çdo miqësi e thellë, e qëndrueshme filloi me një lloj bisede të vogël. Nëse nuk je në gjendje të jesh i zgjuar ose i thellë në momentet e para të bashkëveprimit, s’ka problem. E rëndësishme është që po krijon një lidhje. Nëse duhet të improvizosh apo edhe të skenarizosh fjalët e para, kjo nuk është fundi i botës. Mënyra më e zakonshme dhe efektive për të thyer akullin është të bësh një koment ose një pyetje në lidhje me rrethanat përreth ose kontekstin aktual: “Nuk e besoj sa shumë njerëz kanë ardhur!” “A njihni ndokënd këtu? Mendova se do të njihja më shumë njerëz.” “A po kalon mirë?” “Si të duket pija (ose muzika, ambienti, etj.)?” Sërish, asnjë nga këto fillime bisede nuk do të të sjellë çmimin Pulitzer, por shkëmbimi i përshëndetjeve nuk do të thotë se po sillesh sipërfaqësisht ose pa sinqeritet. Po e vë veten në dispozicion. Nëse fjalët e tua nuk janë origjinale, ç’rëndësi ka? Bisedat fillestare mund të jenë për çdo gjë. Mund të flasësh për motin, sportet, hobet, punën, kafshët shtëpiake, familjen — për çdo gjë, përveç fesë, politikës ose seksit. Mund të jesh qesharak, ironik, i rezervuar, çfarëdo që dëshiron, për aq kohë sa je i sjellshëm, i shkurtër dhe pa pretendime.
- Mos mendo për veten dhe përqendrohu tek personi tjetër
Është shumë e lehtë të shpërqendrohesh nga komenti i brendshëm: “Jam kaq budalla! O Zot, e shkatërrova! Pse po flas kaq me zë të lartë? Ajo më urren!” Ndalu. Kur e monitoron tepër veten, trupin tënd, fjalët e tua, ose perceptimin e dikujt për ty, zvogëlon aftësinë për të dëgjuar. Mund të jesh qesharak, ironik, i rezervuar, çfarëdo që dëshiron, për aq kohë sa je i sjellshëm, i shkurtër dhe pa pretendime. Ti i ke kërkuar këtij personi vëmendjen e tij; tani jepi atij vëmendjen tënde. Përqendrohu në atë që po thotë dhe përpiqu të kuptosh pse po e thotë. Gjithçka tjetër do të vijë natyrshëm. Mund dhe duhet të bësh pyetje, por mos e bëj të ndihesh sikur po e merr në pyetje. Lejoje veten të përthithësh fjalët e tyre. Lejo që bashkëbiseduesi yt të kuptojë që po i kushton vëmendje. Nëse nuk je i zhytur në mendimet e tua, ka më shumë gjasa të jesh i vetëdijshëm për rrethanat dhe për rastin që të ka sjellë aty. Kjo është mirë. Bëji komentet e tua në përputhje me momentin dhe lidhu me personin që po flet, dhe të dy do të jeni në rregull.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
