Edhe pse nuk është kompania e parë në treg që sjell teknologjinë e ekranit 4K, Samsung mund të jetë duke planifikuar përfshirjen e saj në telefonat e ardhshëm.
Pas Sony Xperia Z5 Premium, edhe kompania koreano-jugore mund të jetë duke punuar në drejtim të sjelljes së ekranit 4K në njërën prej pajisjeve të saj në të ardhmen e afërt.
Në konferencën e Display Week, Samsung ka paraqitur ekranin 4K të integruar në njërin prej telefonave të ardhshëm, gjatë javës së kaluar në San Fransisko.
Ekrani thuhet të ketë madhësi prej 5.5” dhe rezolucion prej 2160 x 3840 pikselëve, që i bie të ketë 806 piksel për një inc.
Pajisjet e deritanishme të Samsung si Galaxy S7 dhe S7 Edge kanë rezolucion HD (1440 x 2560), megjithatë asnjë nga pajisjet e lartëpërmendura nuk ka teknologjinë 4K të instaluar në ekran.
Sipas spekulimeve, pajisja e re e cila do të ketë ekran 4K do të jetë pajisja e ardhshme e kompanisë, përkatësisht fableti Galaxy Note.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
