Dy modelet e ekraneve “The Wall ” të prezantuara në Evropë, i japin mundësinë Samsung të udhëheqë në fushat e prodhimit virtual të studios XR
Samsung Electronics tregoi angazhimin e tij të vazhdueshëm për të ardhmen e prodhimit virtual me prezantimin e serisë më të re të sinjalistikës digjitale, “The Wall for Virtual Production”, i cili u prezantua në eventin teknologjik IBC 2023, në Amsterdam. Tashmë është i disponueshëm në Evropë dhe gjithashtu do të prezantohet në shfaqjen më të madhe të tregtisë audiovizive të Amerikës së Veriut, InfoComm 2023.
“The Wall for Virtual Production i jep një mundësi të pakufishme krijuesve të filmave, producentëve dhe studiove, duke përforcuar efektet digjitale, ndërkohë që e bën krijimin e përmbajtjes virtuale më të lehtë, më të shpejtë dhe me kosto më të ulët”, tha Hoon Chung, Zëvendës President Ekzekutiv i Biznesit Visual Display në Samsung Electronics.”Çdo veçori është zgjedhur me kujdes për të fuqizuar bizneset në të gjitha industritë ndërsa ata nisin udhëtimin e tyre të krijimit të përmbajtjes virtuale me një tjetër nivel cilësie.”
Teknologjia kryesore e ekranit vizual Samsung ofron pamje të fuqishme që zgjerojnë realitetin. Studiot e prodhimit mund të përdorin ekrane ultra të mëdha LED për të krijuar përmbajtje virtuale, duke i integruar ato me teknologjinë e efekteve vizuale në kohë reale, për të zvogëluar kohën dhe koston e prodhimit të përmbajtjes. The Wall for Virtual Production është një lider në këtë fushë dhe mund të përforcojë projektet duke shtuar detaje reale, të teksturës, vëllimit dhe hijeve në mjediset e krijimit të përmbajtjes virtuale. Opsionet e reja të modelit IVC, P1.68 dhe P2.1, përfshijnë një gamë lakimi që mund të shtrihet deri në 5,800R, gjë që krijon një fushë shikimi më realiste. Ekrani gjithashtu përmban një veçori të përditësuar të genlock që e mban ekranin në përputhje me sinjalet e sistemit. Kjo aftësi së bashku me veçorinë e përmirësuar të rifreskimit midis kamerës dhe ekranit siguron një imazh të përsosur.
Për të shfaqur ngjyrat sa më të qarta dhe në mënyrë sa më të qëndrueshme që të jetë e mundur, The Wall for Virtual Production përmban tabela kërkimi 3D (LUT) për korrigjimin e ngjyrave, përpunimin e ngjyrave HDR me gamë të gjerë dhe rregullimin e ngjyrave midis kabineteve ose moduleve individuale. Ndërkohë, softueri i integruar Virtual Production Management (VPM) dhe ndërfaqja e tij intuitive e bëjnë më të lehtë dhe më efikas menaxhimin e ekranit, duke ofruar cilësinë më të lartë të mundshme të figurës në një mjedis prodhimi virtual. VPM është gjithashtu i aftë të zbulojë dhe zgjidhë çdo problem të mundshëm të lidhur me LED.
Përveç kësaj, The Wall for Virtual Production është ndërtuar për t’iu përshtatur çdo ambient studioje, pavarësisht nga sipërfaqja e tyre. Qoftë për një studio vëllimi ose studio XR, The Wall for Virtual Production ofron një përmbajtje gjithëpërfshirëse.
“Ne jemi të nderuar që po mbështesim Samsung me prezantimin e The Wall for Virtual Production Series IVC, në IBC të këtij viti. Me eksperiencën tonë në krijimin e prodhimit virtual dhe studiove të transmetimit XR, ne jemi entuziast për mjetet e reja të fuqishme që sjell Seria IVC, “tha Andy Hook, Drejtor i Zgjidhjeve Teknike në White Light. “Këto pajisje na japin një hapësirë të madhe për të krijuar mjedise virtuale, më me ndikim dhe fleksibilitet, për të vazhduar të nxisin përparimin dhe transformimin në këtë fushë.”
The Wall for Virtual Production përmban veçori, duke përfshirë:
- Një raport të përmirësuar 4:9 që ofron një shumëllojshmëri opsionesh instalimi, duke përfshirë aftësinë për t’u ndërlidhur me ekrane të tjera për të maksimizuar rezultatet në mjedise të ndryshme prodhimi.
- Një shpejtësi rifreskimi 12,288 Hz që minimizon pengesat dhe siguron një rezultat të qartë, pavarësisht nga kamera e përdorur gjatë filmimit.
- Black Seal Technology+ ofron pamje më të pastra të ngjyrës së zezë. Përdoruesit do të përjetojnë kontrast të pashembullt që është projektuar posaçërisht për të qenë elastik ndaj pluhurit dhe grimcave, të zakonshme në mjediset e prodhimit.
- Përpunim 20-bit për të paraqitur hartën e saktë të ngjyrave me saktësi dhe një shkallë të saktë lineare gri që tregon ndërlikimet e çdo skene. Përdoruesit do të jenë në gjendje të shohin tekstura realiste, vëllim dhe detaje të vazhdueshme të hijes.
Modelet P1.68 dhe P2.1 të Wall for Virtual Production janë tashmë të disponueshme globalisht duke përfshirë dhe vendet e Evropën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
