Samsung Electronics njoftoi pjesëmarrjen e tij në ISH 2025, panairin më të madh ndërkombëtar për industrinë sanitare dhe HVAC, i cili u zhvillua nga 17 deri më 21 mars në Frankfurt. Samsung prezantoj zgjidhje inovative të dizajnuara për të përmirësuar rehatinë, lidhjen dhe efikasitetin në mjediset rezidenciale dhe komerciale.
“Ky ishte viti ynë i dytë në ISH pas debutimit në 2023, dhe ishim të entuziazmuar të prezantonim produkte edhe më të avancuara së bashku me një gamë të gjerë zgjidhjesh inteligjente, si SmartThings Pro dhe b.IoT Lite, që përputheshin me temën Connected Flow,” tha Wim Vangeenberghe, Zëvendës President i Samsung Air Solution. “Kjo ishte një mundësi e rëndësishme për të shfaqur inovacionet tona të gjeneratës së ardhshme dhe për të nxjerrë në pah edhe një herë angazhimin tonë ndaj përvojave më të zgjuara të jetesës.”
Zgjidhje të avancuara HVAC në qendër të vëmendjes
Në ISH 2025, Samsung paraqiti një gamë të gjerë sistemesh dhe teknologjish, përfshirë Slim Fit EHS ClimateHub dhe Mono R290, kontrollues me prekje, module Wi-Fi dhe zgjidhje të tjera. Një nga risitë kryesore ishte kondicioneri i ri “Bespoke AI” WindFree, i krijuar për të sjell edhe më shumë rehati për përdoruesit.
Kondicionerët AI WindFree 2025 përfshijnë teknologjinë AI Fast & Comfort Cooling, e cila analizon mjedisin përreth për të ofruar ftohje të shpejtë dhe automatike sipas preferencave të përdoruesve. Fillimisht, teknologjia AI analizon vazhdimisht mjediset e brendshme dhe të jashtme për të zbuluar nëse po arrin temperaturën e preferuar të përdoruesit dhe më pas e kalon modalitetin e saj në WindFree Cooling. Një tjetër risi është teknologjia Comfort Drying, që ul lagështinë pa ftohur ndjeshëm dhomën. Ndryshe nga mënyrat tradicionale të tharjes, që ulin temperaturën për të tharë lagështinë, Comfort Drying ruan një nivel optimal lagështie, duke shmangur ndjesinë e të ftohtit. Për më tepër, modaliteti i kursimit të energjisë me AI në aplikacionin SmartThings mund të reduktojë konsumin e energjisë deri në 30%, falë një algoritmi inteligjent që menaxhon frekuencën e kompresorit dhe parandalon harxhimin e panevojshëm të energjisë.
Lexo edhe:Seria e re Samsung Galaxy A arrin në Shqipëri
Dizajn inovativ i mirënjohur
Samsung njoftoi gjithashtu se njësitë e saj Slim Fit EHS ClimateHub – ClimateHub Mono dhe Hydro Unit Mono kanë fituar çmimin prestigjioz Designplus në kategorinë “Uji & Efikasiteti +” në ISH 2025. Ky çmim vlerëson produktet që kombinojnë dizajnin inovativ me teknologjinë më të fundit me fokus në konceptet e reja që japin vlerë të shtuar përmes zhvillimeve teknologjike.
Këto njësi dallohen për dizajnin e tyre të hollë, që lejon instalim të lehtë në hapësira të ndryshme, pa kompromentuar performancën. Ato përfshijnë komponentë kryesorë si filtra magnetikë, valvula tre-drejtimëshe dhe enë zgjerimi për ngrohje, duke ofruar një instalim të thjeshtë dhe efikas. Për më tepër, Samsung vjen me një ekran të gjerë 7” AI Home, i cili ofron një ekran intuitive për kontrollin e temperaturës dhe menaxhimin e konsumit të energjisë. Përveç kësaj, përdoruesit mund të monitorojnë statusin dhe konsumin e energjisë të sistemeve fotovoltaike (PV) të lidhura, duke përdorur pamjen e zonës, si dhe të kontrollojnë pajisje të tjera të lidhura me SmartThings.
SmartThings Pro: Lidhje inteligjente e pametë për bizneset
Në përputhje me temën “Conncected Flow”, Samsung demonstroj përfitimet e zgjidhjeve inteligjente përmes SmartThings Pro, duke treguar skenarë të ndryshëm të aplikimit në mjedise biznesi. Vizitorët do të shohin se si SmartThings Pro krijon një ambient të personalizuar duke integruar pajisje të ndryshme – nga ndriçimi inteligjent deri te sistemet diellore – dhe mundëson monitorim të plotë të konsumit të energjisë.
Samsung prezantoj gjithashtu SmartThings Pro dhe b.IoT Lite për menaxhimin e hapësirave komerciale, si hotelet dhe dyqanet me pakicë. Këto zgjidhje ndihmojnë në optimizimin e ngrohjes, ftohjes dhe konsumit të energjisë, duke përmirësuar efikasitetin operacional.
Me këtë pjesëmarrje në ISH 2025, Samsung riafirmoi angazhimin e tij për të zgjeruar biznesin e HVAC në nivel global dhe për të ofruar zgjidhje klimatike inovative për klientët në mbarë botën. Vizitorët në stendën e Samsung kishin mundësinë të eksplorojnë produktet më të fundit, të angazhohen me përfaqësuesit e kompanisë dhe të përjetojnë drejtpërdrejt të ardhmen e zgjidhjeve HVAC.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
