Zyrtarë të Këshillit të Sigurisë kanë konsideruar planet që rrjeti 5G të shtrihet në gjithë sipërfaqen e Shteteve të Bashkuara të Amerikës. Kjo, për t’i bërë ballë konkurrencës dhe sulmeve kibernetike nga Kina.
Ky mund të jetë një rast i papreçedent, veçanërisht nga një administratë Republikane. E njëjta gjë edhe për Federal Communications Commission të Trump, të cilët janë “zmbrapsur”, ndonëse janë një faktor i rëndësishëm në një projekt të tillë.
E gjithë kjo filloi të dielën, kur Axios raportoi se zyrtarë të Këshillit Kombëtar të Sigurisë të cilët do të shprehen se Amerika ka nevojë që rrjeti 5G të shtrihet në të gjithë vendin brenda 5 viteve. Ata propozojnë që vetë shteti të ndërtojë infrastrukturën dhe t’a japë me qëra tek operatorët si Verizon, AT&T apo T-Mobile.
5G (fifth generation) është shkurtimi i gjeneratës së 5 rrjetit mobile wireless. Padyshim, është vazhdimi i 4G, i cili i mori “fronin” gjeneratës tashmë të vjetër 3G. Rrjeti 5G do të ofrojë shumë më tepër sesa një rrjet më të shpejtë dhe të qëndrueshëm. Ajo do të ndihmojë edhe në zhvillimin e teknologjive si self-driving cars, virtual reality dhe IoT (Internet of things). Ndërkohë AT&T dhe Verizon ka në plan të lëshojë valët e para 5G vetëm në disa zona të vendit.
Raporte të ndryshme thonë se për momentin administrata Trump është në kundershtim të kësaj ideje. Për këtë ka folur edhe Ajit Pai, i njohur në masë disa muaj më pare. Për fat të keq, jo për ndonjë veprim të mirë, por për pezullimin e “net neutrality“. Ditën e hënë ai mbajti një qëndrim opozitar në lidhje me idenë e nacionalizimit të 5G.
“Tregu, jo qeveria, është i pozicionuar më mirë për të stimuluar inovacionin.” – u shpreh ai në lidhje me këtë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
