“Rrjetet sociale u japin të drejtën e fjalës legjioneve të budallenjve”. Ishte kjo fjala e Umberto Eco-s, profesorit italian të shquar në botë që sulmon në këtë mënyrë internetin pas marrjes së titullit “honoris causa” në “Komunikim dhe Kulturë e mediave” nga Universiteti i Torinos. “Më parë, ka thënë Eco, flisnin vetëm nëpër bare pasi kishin pirë një gotë vere, pa dëmtur kolektivitetin. U thuhej menjëherë ta qepnin gojën, ndërsa tani kanë të njëjtën të drejtë fjale me atë të një Çmimi Nobel. Është invazioni i budallenjve”.
Për Econ interneti do të ishte një “dramë” e vërtetë sepse promovon “budallain e fshatit dhe mbajtësin e të vërtetës.” Struktura e internetit, sipas Ecos, do të favorizonte në fakt riprodhimin e budallait. Dhe në fakt ka afirmuar edhe se roli i gazetave në këtë sens është i rëndësishëm sepse duhet të “filtrojë me ekipe të specialistëve informacionet e internetit sepse askush nuk është në gjendje të kuptojë sot nëse një site është i besueshëm apo jo”. Për të bërë këtë “gazetat duhet t’u deikojnë të paktën 2 faqe kritikës analitike të faqeve, ashtu si profesorët duhet t’u mësojnë nxënësve të përdorin faqet e internetit për detyra”, ka thënë Eco duke iu referuar fenomenit të kopjimit nga interneti.
Për profesorin titulli “honoris causa” ka qenë një rikthim në origjinë. Pikërisht në Universitetin e Torinos në fakt u diplomua më 1954-ën në Filozofi. “Hera e dytë në të njëjtin universitet, siduket është legjitime, edhe pse do të kisha preferuar në fizikë bërthamore ose matematikë,” ka bërë shaka Eco.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
