Çmimi i arit dhe argjendit pësuan një rënie, pas lajmit mbi inflacionin amerikan. Të dhënat tregojnë se inflacioni vjetor në Janar u rrit 3.1%, më shumë se parashikimi 2.9%.
Kjo rritje e inflacionit e shtyn Bankën Qendrore Amerikane të mbajë lart normat e interesit. Shpresat për një ulje të normave të interesit për muajin Mars pothuajse janë shuar.
Vetëm 8.5% e investitorëve besojnë në një ulje të tyre gjatë fillimit të pranverës. 32.3 % e investitorëve mendojnë për një shkurtim të normave të Bankës Qendrore në muajin Maj dhe 52.7% në muajin Qershor.
Çmimi i Arit
Çmimi i Argjendit
Në muajin Janar, ekonomia Amerikane shtoi mbi 353,000 vende të reja pune. Normat e larta të interesit 5.25%, rritja e qendrueshme ekonomike amerikane prej 3.3% në tremujorin e fundit, forcimi i tregut të punës dhe thyerja e rekordeve të bursave amerikane kanë forcuar dollarin dhe kanë vënë në presion çmimin e Arit dhe Argjendit.
Lexo edhe“Borsen 7”, produkti më i ri i SmartED, është miku më i mirë i çdo investitori!
Monedha Amerikane është në nivelin më të lartë 3-mujor. Kjo rritje e parasë Amerikane ka rritur trysninë mbi çmimin e metaleve të çmuara duke e çuar Arin nën nivelin $2000/OZ dhe Argjendin poshtë nivelit $22. Gjithashtu bonot e thesarit 10 vjeçar të Shteteve të Bashkuara janë rritur në nivelin 4.273%, ç’ka ka sjellë forcimin e mëtejshëm të Dollarit.
Dollari Amerikan
Për më shumë informacion: www.smarted.al.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto