Në takimin e sotshëm të qeverisë, ministria e Turizmit dhe Mjedisit, Mirela Kumbaro, prezantoi ndryshimet dhe amendimet në lidhje me katër ligjet për mbrojtjen e mjedisit. Kumbaro theksoi se këto ndryshime janë rezultat i nevojës për të adresuar kërkesat e qytetarëve, të shprehura në raportin e Këshillit Kombëtar, ku 70% prej tyre kërkonin masat për të ndëshkuar ndotjen e mjedisit.
“Arsyeja kryesore për këto ndryshime është që gjobat ishin vështirë të realizoheshin për shkak të proceseve të gjata ankimimi, duke humbur kështu efikasitetin e tyre në mbrojtjen e mjedisit. Situata bëhet edhe më problematike kur marrim në konsideratë rritjen e popullsisë së Shqipërisë, duke përfshirë edhe flukset e turistëve, pritet të rriten me 30-40% këtë vit.
Lexo: Smartphonët e së ardhmes do të zhbllokohen me frymën tuaj
Me të gjitha nismat qeveritare dhe vendore për mirëmbajtjen dhe menaxhimin e mjedisit dhe mbetjeve, është e rëndësishme që masat administrative dhe gjobat të jenë jo vetëm për të ndëshkuar, por edhe për të edukuar. Prandaj, gjobat e parashikuara në këto katër ligje rriten për rreth 30%, por më e rëndësishmja është që ato do të zbatohen menjëherë për të siguruar efektin ndëshkues, korrektues dhe edukues,” shprehet ministra Kumbaro.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
