Autoritetet shqiptare kanë vendosur rritjen e çmimeve referuese për zhdoganimin e automjeteve të përdorura, një masë që pritet të ndikojë tregun e importit të makinave dhe kostot për qytetarët.
Sipas udhëzimit të Ministrisë së Financave, të botuar në Fletoren Zyrtare, “Për vlerësimin e mallrave për qëllime doganore”, automjetet e importuara nga vende si Koreja, Kina dhe shtetet europiane nuk mund të zhdoganohet më poshtë çmimeve minimale të përcaktuara.
Për autoveturat, vlerat referuese variojnë sipas cilindratës:
-
Deri në 1.400 cc: minimalisht 162.500 lekë
-
1.400–1.900 cc: minimalisht 250.000 lekë
-
1.900–2.500 cc: minimalisht 406.000 lekë
-
2.500–3.000 cc: minimalisht 500.000 lekë
-
3.000–4.500 cc: minimalisht 625.000 lekë
-
Mbi 4.500 cc: minimalisht 1.000.000 lekë
Po ashtu, janë rritur edhe kufijtë minimalë për kamionçina, furgona dhe kamionë sipas kapacitetit mbajtës:
-
Deri në 1,5 tonë: minimalisht 500.000 lekë
-
1,5–3,5 tonë: minimalisht 750.000 lekë
-
3,5–10 tonë: minimalisht 1.062.500 lekë
-
10–15 tonë: minimalisht 1.250.000 lekë
-
Mbi 15 tonë: minimalisht 1.500.000 lekë
Ekspertët e tregut presin që vendimi të rrisë kostot totale për importuesit dhe përdoruesit e makinave të përdorura, duke reflektuar një tendencë më të rreptë në vlerësimin doganor dhe një kontroll më të madh mbi tregun e automjeteve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
