Rrit Standartin Tënd!

Tema që do trajtoj sot është shprehja që shumë shpesh e perdorim “Më thuaj me kë rri të të them se cili je”. Shpesh kjo duket si një shprehje cliché dhe si e tille ajo e humb fuqinë por jo vërtetësinë e saj. Por nëse ti do të bësh diçka me jetën tënde, me punën tënde, me profesionin tënd, me familjën tënde, e vetmja gjë që duhet të bësh… e vetmja gjë që duhet të bësh është:

Rrit Standartin Tënd!!!

Rrit standartin e jetës tënde, rrit standartin se si ti mendon, rrit standartin se si ti vepron, rrit standartin e librave që ti lexon, rrit standartin e mënyrës se si ti komunikon me stafin tënd, rrit standartin se si komunikon me eprorin tënd, rrit standartin se si bën biznes, rrit standartin se si punon, rrit standartin se si ushqehesh.

Pra është shumë e thjeshtë, atë çka ti bën mundohu ta bësh pak më mirë, çdo ditë pak më mirë. Nëse ti rrit standartin tënd atëherë nuk diskutohet që gjithçka tjetër do jetë shumë herë më e mirë. Çdo marrëdhënie me njerëzit, punë, ide, projekt, dëshirë, çdo lloj marrëdhënie që ke me të dashurit e tu nuk do jetë thjesht e mire, do jetë e shkëlqyer. Për të vetmen arsye se ti ndryshon mënyrën se si ti e percepton veten tende dhe njëkohësisht se si të tjerët të perceptojnë ty.

Nuk diskutohet që ne do donim të shoqëroheshim me njerëz më të mirë se ne por askush nuk do të donte të rrinte me ne nëse ne nuk do u shtonim sadopak vlerë. Duhet të mendojmë se çfarë ne bëjmë për t’u shtuar vlerë atyre personave me të cilët ne do të donim të shoqëroheshim dhe të cilët do të donin të rrinin me ne. Nuk është çështja që vetëm të marrim por çështja është të duash të japësh. Nëse une po rri me dikë duhet të pyes veten,se çfarë vlere po i shtoj une këtij individi? Çfarë vlere po i shtoj këtij biznesi? Çfarë vlere po u shtoj partnerëve, kolegëve, familjes time?

Nëse une shtoj vlerë atëherë unë do kërkoj të marr vlerë në këmbim, nëse une nuk shtoj vlerë atëherë nuk kam se çfarë të kërkoj. Kini parasysh se asgjë nuk ka për të ndryshuar nga shteti, shoqëria, qeveria, politika, bashkia, biznesi, shokët dhe kolegët nese Ti nuk ndryshon mënyrën se si ti mendon. Ti ke detyrën dhe përgjegjësinë të ndryshosh çdo gjë rreth teje dhe askush tjetër nuk ka per ta bërë këtë gjë për ty. Mos u bëj viktimë e fatit dhe e rrethanave.

Ndaj ju ftoj që gjatë kësaj fundjave të investoni kohën tuaj në gjëra që të rrisin dhe të motivojnë. Hiqni barrën që ju rëndon nga mendimet negative duke u fokusuar vetëm tek të tjerët. Jepini më shumë kohë personit që do të shoqerojë gjithë jetën tënde dhe ai person je Ti.

Nëse do që realisht të ndryshosh biznesin tënd dhe t’i çosh të ardhurat në një nivel tjetër, të kesh një avantazh konkurues, të jesh më fitimprurës; nëse do që të krijosh një biznes në të cilin të argëtohesh dhe të përmbushesh…

Për paketat e trajnimit 

Individual

Bizneseve

Keyspeaker

Më kontakto[email protected]

Për më shumë postime dhe video të ngjashme më ndiqni në:

Facebook: https://bit.ly/3hK8AA4

Instagram: https://bit.ly/2N8ZI98

Linkedin: https://bit.ly/2UX8qeH

Youtube: https://bit.ly/2RPtDoX

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale