Rregullat e reja, ja si mund të aplikoni për leje-dalje


 

 

Duke filluar nga dita e hënë, çdo qytetar, që do të dalë nga shtëpia, duhet të aplikojë për t’u pajisur me leje.

Për të përfituar lejen, ju duhet të aplikoni online ose të dërgoni SMS. Në këtë mënyrë, mund të dilni brenda orarit të lejuar, 05:00-13:00.

Nëpërmjet një njoftimi, E-Albania ka sqaruar se si mund të aplikohet për leje dhe se si merret miratimi.

Pse përdoren këto leje?

Këto leje janë për këmbësorët, që duhet të dalin nga shtëpia për arsye pazari, farmacie, apo nevoja të tjera të domosdoshme.

Si mund të aplikoni për të marrë leje?

Aplikimi mund të bëhet online ose përmes një SMS-je.

Aplikimi përmes internetit: Klikoni e-albania.al ose shkarkoni aplikacionin e-albania në smartfonin tuaj dhe pasi të jeni futur në faqe, klikoni opsionin “Leje për dalje”. Miratimi merret menjëherë dhe ju vjen njoftimi në e-mailin tuaj.

Për të aplikuar për këtë shërbim ju duhet të jeni i identifikuar në portal. (Regjistrohuni në portal nëpërmjet të dhënave të kartës suaj të identitetit nëse nuk jeni regjistruar më parë).

Aplikimi me anë të SMS në celular: Qytetarët, që nuk kanë mundësi të aplikojnë përmes internetit, mund të dërgojnë një mesazh falas në numrin 55155 me tekst: Numri i kartës së identitetit dhe orën e daljes.

Psh: J12345678L 0830. Nëse aplikoni në këtë mënyrë, miratimi për të dalë ju vjen ditën pasardhëse. Nëse doni të dilni ditën e hënë, duhet ta dërgoni SMS-në, ditën e diel.

Lexoni: COVID-19, Rakacolli: Java që vjen do të jetë vendimtare për Shqipërinë

Leja është e vlefshme vetëm për një dalje, pra sa herë që ju nevojitet të dilni për të bërë pazar, apo për gjëra të tjera, duhet të aplikoni. Leja zgjat vetëm një orë.

Leja vlen vetëm për një person nga familja, por nëse familjarët tuaj jetojnë në qytet tjetër, mos u shqetësoni. Mund të aplikojnë dy persona nga e njëjta familje, pasi vendndodhja do të verifikohet.

Nëse ju duhet të lëvizni për të shkuar në punë, nuk është e nevojshme ta kryeni këtë procedurë çdo ditë. Majfton autorizimi, që keni marrë.

Lexoni: Shefja e FMN: Ekonomia globale ka hyrë në recesion për shkak të Covid-19

Leja vlen vetëm për lëvizjene këmbësorëve. Pra, nuk mund të qarkulloni me mjetin tuaj.

 

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale