Rikthimi në shkolla: Mund të ketë mësim me 4 turne - Business Magazine Albania

Rikthimi në shkolla: Mund të ketë mësim me 4 turne

Nxënësit e arsimit parauniversitar në Shqipëri do t’u rikthehen bankave të shkollës më 14 shtator, nën një protokoll të rreptë masash, për shkak të pandemisë së Covid-19. Drejtori i Agjencisë për Sigurimin e Cilësisë në Arsimin Parauniversitar, Gert Janaqi tregon për Euronews Albania, mënyrën e organizimit të shkollave për sezonin e ri.

“Kemi 3 skenarë, ne do të fillojmë me skenarin e parë, nëse shkollat i kanë kushtet, mësimi do të zhvillohet me orë 45 minutëshe, çdo gjë do funksionojë si normalisht”, tha Janaqi.

Por, mënyra e organizimit nuk do të jetë e njëjtë për të gjithë shkollat. Për institucionet e arsimit me shumë nxënës, ministria ka gati një tjetër skenar, ku mësimi mund të shkojë deri në 4 turne. Sipas Janaqit, Ministria e Arsimit ka marrë masa dhe për skenarët ekstremë, teksa, në këtë rast, mësimi do të zhvendoset online.

Për shkak të protokollit të ri, çdo klasë nuk duhet të ketë më shumë se 18 deri në 20 nxënës, ndërsa në çdo ambjent nuk duhet të mungojnë dezinfektantët. Klasat do të zhvendosen dhe në biblioteka, apo dhe palestrat e shkollave, ndërsa nëse është e mundur, mësimi mund të kryet dhe në natyrë. Për të vrojtuar zbatimin e protokollit të sigurisë, çdo shkollë do të ketë mësues koordinator.  Ministria e Arsimit do të jetë në komunikim të vazhdueshëm me Ministrinë e Shëndetësisë, e në rast se në shkolla krijohen vatra të Covid, i përket instancave shëndetësore të vendosin nëse shkollat do të mbyllen ose jo.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0