Në Qershor vjen në Shqipëri Rally Albania. Edicioni i 15-të pritet të përfshijë rreth vetes të apasionuar rreth sportit dhe shumë turistë.
Gara spektakolare e makinave dhe motorëve “Rally Albania” këtë vit rikthehet me edicionin e tij të 15-të më 8 Qershor, për të përshkuar 80 përqind të territorit shqiptar në një javë emocionuese. Vendet e parashikuara janë këto:
8 Qershor – Ceremonia e Hapjes, Tiranë
9 Qershor – Stacioni i parë (380 km), Valbonë
10 Qershor – Stacioni i dytë (160 km), Valbonë
11 Qershor – Stacioni i tretë (390 km), Voskopojë
12 Qershor – Stacioni i katërt (210 km), Himarë
13 Qershor – Stacioni i pestë (135 km), Himarë
14 Qershor – Stacioni i gjashtë (520 km), Tiranë
15 Qershor – Epilog (80 km), Tiranë
Sportistët që do të garojnë në “Rally Albania” do të përshkojnë një itinerar me gjatësi afërsisht 2000 km, për 7 ditë, nga veriu në jug, duke startuar në Tiranë dhe duke prekur pothuajse të gjitha pasuritë natyrore dhe turistike vendase. Parakalimi i mjeteve do të bëhet në një hapësirë të dedikuar në sheshin “Nënë Tereza”, ku të gjithë dashamirësit mund të njihen nga afër me garuesit.
Rally Albania tërheq me mijëra vizitorë në rrugët e Shqipërisë, të cilët janë shumë kurioz për këtë sport.
Rally Albania është themeluar në Qershor të vitit 2006 dhe ka ecur para falë pasionit dhe dëshirës. Rally Albania është bërë një realitet, i cili tërheq shumë të apasionuar që aventurën e kanë në shpirt.
*Nëse ke dëshirë të zbulosh aktivitetet outdoor në Tiranë shkarko aplikacionin TIRANA IME OUTDOOR.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
