Qarku i Kukësit është përfshirë nga reshjet e para të borës, të cilat kanë nisur në zonat malore mbi 700 metra mbi nivelin e detit, duke shënuar një rënie të ndjeshme të temperaturave.
Bora është evidentuar edhe në afërsi të tunelit të Kalimashit, përgjatë Rrugës së Kombit, një nga akset më të rëndësishme rrugore në veri të vendit. Pavarësisht reshjeve, deri më tani nuk janë krijuar shtresa bore që të pengojnë qarkullimin e automjeteve dhe rrugët mbeten të kalueshme.
Autoritetet u bëjnë thirrje drejtuesve të mjeteve për kujdes të shtuar, pasi prej dy ditësh zona po përballet me temperatura ekstremisht të ulëta. Në disa prej zonave të thella malore, termometri ka shënuar vlera nga –3 deri në –16 gradë Celsius.
Situata po ndiqet në mënyrë të vazhdueshme nga strukturat përgjegjëse, ndërsa shoferët këshillohen të respektojnë rregullat e qarkullimit, të pajisin mjetet me goma dimërore dhe të shmangin lëvizjet e panevojshme, veçanërisht gjatë natës dhe orëve të para të mëngjesit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
