Rëndësia e Java në karrierën si programues - Business Magazine Albania

Rëndësia e Java në karrierën si programues


Java është ndër gjuhët më të përdorshme të programimit dhe kjo nuk është rastësi. Shpeshherë, në fillesat e karrierës si programues, fokusimi në gjuhë të caktuara nuk është i lehtë. Kjo për arsye të gamës së gjërë të gjuhëve të programimit, si dhe dinamizmit që karakterizon ketë industri.

Gjenerata e fundit e programuesve, u bazuan fillimisht në gjuhë të tilla si BASIC, C, C++ dhe Java duke u renditur si gjuha e tyre e dytë ose e tretë. Një arsye për këtë mund të jetë përdorimi në masë i C dhe C++ në ato kohë, si dhe pjesa më e madhe e pajisjeve teknologjike ishin të dizenjuara për këto dy gjuhë programimi. Kurrikulat e shkollave kanë qënë gjithashtu një arsye penguese e perhapjes së Java, pasi në shumicën e rasteve është trajtuar si një gjuhë dytësore.

Sipas profesionistëve të fushës, Java është një gjuhë e drejtpërdrejtë dhe deri diku e lehtë për t’u mësuar, por dhe më e komplikuar se C++.

Gjatë zgjerimit të diapazonit të punëve, Java filloi të shihej si një kod më i kuptueshëm dhe i përdorshëm. Kjo për faktin se shumica e pajisjeve teknologjike koherente mund “ta lexojnë” atë pa problem.

6 arsye për të mësuar Java:

  1. Thjeshtësia. Sintaksa është shumë më e lexueshme sesa ajo e C, C++ e shumë gjuhëve të tjera.
  2. Arrin të përballojë kompleksitetin e aplikacioneve të jetës së përditshme.
  3. Pakufizueshmëria. Me anë të Java mund të arrish qëllimin tënd dhe në fusha të tjera si grafika dhe programimi i videolojërave të thjeshta.
  4. Duke qenë një nga gjuhët më të përdorura të programimit, Java ka ndërtuar rreth saj një komunitet të tërë. Faqe informuese, forume të dedikuara, e bëjnë më të lehtë zgjidhjen e problemeve që lindin gjatë punës me të.
  5. Java është një gjuhë e fokusuar në të shkruar, gjë që e bën më të lehtë identifikimin e gabimeve në hapat e parë.
  6. Përdorimi i koleksioneve të gatshme. Një mundësi tjetër për thjeshtësimin e punës, si dhe ndihmesë për fillestarët.

Është Java e mjaftueshme për të patur një karrierë të suksesshme në programim?

Pyetja që bën diferencën. Edhe pse një nga gjuhët më të përdorshme, Java nuk është e mjaftueshme. Gjuhë të ndryshme tentojnë të zgjidhin probleme të ndryshme. Kufizimi në një gjuhë të vetme do të ndikonte negativisht në karrierën si programues, e cila duhet të jetë e drejtuar nga dëshira për t’u zhvilluar, që është dhe sfida kryesore në këtë karrierë.

Ergys Kosovrasti

DEV

 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0