CEO i aleancës Renault-Nissan-Mitsubishi dëshiron t’i dalë kundër një opinioni rreth sipërmarrësve. Atë të të pranuarit fonde me mbështetje nga kompanitë e mëdha.
Grupi Franko-Japonez i makinave planifikon të nisë një fond të ri. Kjo, në formën e një korporate, e cila do të investojë deri në 1 miliardë dollarë përgjatë 5 viteve që vijnë në startup-e në fushën e transportit.
Fondi pritet të investojë 200 milionë dollarë në startup-e të tilla si: elektrifikimi i makinave, autonomia, ndërlidhjet, dhe inteligjenca artificiale. E gjithë kjo, bazohet në strategjinë 5 vjeçare Alliance 2022 të publikuar disa javë më parë, me objektiv përmirësimin e sinergjisë midis kompanive të grupit. Rezultatet synohet të jenë: ndarja e kostos dhe rritja e shitjeve.
“Ne duam të krijojmë një platformë për startup-et që “flasin” me të treja kompanitë.” – u shpreh Carlos Ghosn në Consumer Electronics Show në Las Vegas.
Plani është që të krijohet një grup, ku kompanitë e mëdha të punojnë lehtësisht me startup-et e vogla.
“Ne e kuptojmë se CVC-të kanë një reputacion të keq mes sipërmarrësve. Kjo sepse ata i marrin vendimet shumë ngadalë.” – u shpreh Francois Dossa, aktualisht presidente e Nissan Brazil, e cila do të jetë drejtuese e fondit.
Për këtë, grupi do të ndajë entitetet legale dhe do të ketë proceset e veta që do të merren me startup-et. Fondi do të ketë zyra në shumë qytete kryesore të planetit si Silicon Valley, Paris, Tel Aviv, Tokyo etj.
Renault dhe Nissan do të investojnë nga 40% të fondit. Pjesa tjetër prej 20%, do të financohet nga Mitsubishi.
Aleanca planifikon të prezantojë 12 makina 100% elektrike në 6 vitet që vijnë. Gjithashtu, disa prej tyre autonome, dhe do të zhvillojë shërbime transporti të reja.
Renault-Nissan-Mitsubishi pret të ardhura të kombinuara prej 240 miliardë dollarë dhe 14 milionë njësi të shitura vjetore deri në fund të 2022. Kjo aleancë, arriti të shesë 10 milionë njësi në vitin 2017.
Burimi: CNBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
