Drejtoria Përgjithshme e Tatimeve po jep informacion të vazhdueshëm për ecurinë e aplikimive dhe mbështetjes financiare për bizneset e vogla.
Të dhënat tregojnë se kanë aplikuar gati 87 mijë punonjës dhe mbi 49 mijë biznese.
Sipas këtyrë të dhënave janë verifikuar më pak se gjysma e punonjësve dhe kompanive, gati 36 mijë punonjës dhe 21 mijë sipërmarrje.
Pas verifikimeve rezulton se mbi 40% e aplikimeve të punonjësve janë refuzuar. Për përfitimin, Ministria e Shëndetësisë ka nxjerrë një listë përfituesish të bizneseve, të cilat janë detyruar të mbyllin aktivitetin nga vendimi qeverisë.
Mes sipërmarrëve të vegjël kanë nisur shqetësimet, kur kërkesa është refuzuar edhe pse, sipas tyre përmbushin kriteret.
Kryeministri ka bërë të ditur ndërkohë se me 15 Prill do të prezantojë një paketë më të zgjeruar mbështetjeje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
