190 mijë fëmijë do të marrin libra falas këtë vit, sepse falë reformave të bëra, qeveria do të kursejë miliona euro shpenzime të familjeve të nxënësve nga klasa e parë tek e katërta. I vetmi kusht është mirëmbajtja e tyre.
Në fillim të çdo viti shkollor, nxënësit e klasave I-IV do të marrin në përdorim falas të gjitha tekstet shkollore dhe një pjesë të tyre do ta dorëzojnë sërish në fund të vitit shkollor.
“Duke u ardhur në ndihmë fëmijëve, u bëjmë të mundur familjeve që t’i përdorin për diçka tjetër shpenzimet për libra”, tha Rama.
Librat falas duhet të jenë për të gjithë, por sistemet ndryshojnë. Në rajon janë tre vende që nuk japin libra falas për asnjë klasë, Serbia, Mali i Zi dhe Kroacia që është vend i Bashkimit Europian. Ndërkohë vende të tjera të zhvilluara si Zvicra, Suedia, etj,. japin libra falas deri në klasën e 9 apo 11-të dhe kryeministri këtë e quan progres.
Drejtorët e shkollave do të bëjnë porosinë tek shtëpia botuese dhe kjo e fundit duhet të dorëzojë librat të paktën 10 ditë para datës së fillimit të vitit shkollor. Ndërkohë, nxënësit mund të shkruajnë dhe bëjnë shënime në libra vetëm me laps dhe mësuesit do të ngarkohet për të porositur nxënësit dhe për t’i kontrolluar ata në vazhdimësi.
Vitin tjetër librat do të jenë FALAS edhe për klasën e V.
/ERTV
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
