Evropianët po përqafojnë inteligjencën artificiale (AI), por disa vende janë më entuziaste se të tjerat, tregojnë të dhënat e fundit.
Që nga lanCimi i ChatGPT nga OpenAI në vitin 2022, mbi 1.2 miliardë njerëz në mbarë botën kanë përdorur mjete të bazuara në AI, sipas raportit të Microsoft. Ky adoptim ka ndodhur më shpejt se teknologjitë e tjera kryesore, përfshirë internetin, kompjuterin personal dhe smartfonin. Sot, Bashkimi Europian ndodhet në krye të përdorimit të AI, veçanërisht vendet më të pasura të bllokut, sipas raportit. Irlanda udhëheq me 41.7% të qytetarëve që përdorin AI rregullisht në jetën ose punën e tyre të përditshme.
Pas saj renditen Franca (40.9%) dhe Spanja (39.7%). Në anën tjetër të spektrit janë Rumania (15.3%) dhe Greqia (17.7%), ku qytetarët e këtyre vendeve janë më pak të prirur të përdorin AI në jetën e përditshme ose në punë.
Përtej BE-së, Norvegjia dhe Mbretëria e Bashkuar gjithashtu kanë adoptim të lartë: 45.3% e norvegjezëve dhe 36.4% e britanikëve përdorin AI rregullisht.
Lexo edhe: Profesionet më të rrezikuara për t’u zëvendësuar nga AI vitin e ardhshëm
Microsoft nënvizon se adoptimi i AI lidhet ngushtë me gjendjen ekonomike të një vendi. Në Veri, adoptimi është rreth 23%, krahasuar me 13% në Jug.
Adoptimi ka qenë gjithashtu më i shpejtë në vendet me infrastrukturë të fortë elektrike, lidhshmërie dhe kompjuterike. Megjithatë, pothuajse katër miliardë njerëz jetojnë në rajone ku këto faktorë mbeten një sfidë.
Raporti thekson se kjo ndarje nuk varet vetëm nga qasja te mjetet e AI, por reflekton gjithashtu pabarazi më të gjera në infrastrukturë, arsim dhe gjuhë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto