Sipërmarrjet e vogla prej kohësh kanë pasur vështirësi në aksesin në financa. Mikrokredia mbetet dera ku mund të trokasin, ndërsa së fundi edhe bankat kanë nisur t’i përafrohen këti segmenti biznesi. Raiffeisen Bank ka vënë në prioritetet e saj për të ardhmen e afërt rritjen e segmentit të biznesit Mikro.
Banka ka theksuar se, “Gjatë dy viteve të fundit, kemi filluar rigjallërimin e këtij segmenti. Ne kemi nxjerrë paketa të reja, të përshtatura për kërkesat e ndryshme të biznesit dhe kemi prezantuar produkte novatore të huadhënies. Ne ofrojmë limitin më të lartë të pasiguruar për segmentin Mikro, deri në 4,000,000 lekë, me norma interesi konkurruese”.
Përmes këtyre hapave, portofoli i huadhënies nga kjo bankë është rritur katër herë krahasuar me vitin 2020, duke dëshmuar një rritje të konsiderueshme prej 230% të numrit të huamarrësve.
Lexo: Si po e përballojnë punonjësit e rinj krizën globale?
Njëkohësisht Raiffeisen po punon për lançimin e një produkti të ri të huadhënies Agro, i krijuar për të përmbushur nevojat unike të klientëve në fushën e agrikulturës.
Ndërkohë, Raiffeisen On vazhdon të performojë si platformë digjitale për transaksionet e klientëve të biznesit. Në dhjetor 2022, Raiffeisen lançoi programin pilot, duke ofruar një aplikim tërësisht digjital dhe me miratim të menjëhershëm për overdraft-et e pasigurta, të përshtatura për klientët Mikro.
Deri më sot, ka miratuar 77 aplikime për kredi online në vetëm 5 minuta, duke kërkuar vetëm 2 dokumente lehtësisht të aksesueshme.
Ndërmarrjet Mikro dhe të Vogla, janë shtylla kurrizore e ekonomisë, duke përbëre gati 80% të të punësuarve në sektorin privat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
