Sipas Bankës së Shqipërisë kërkesa fillestare për borxh ishte në vlerën e 120 milionë euro, por interesi i lartë i ofruar nga bankat nxiti qeverinë të pranojë borxhin prej 100 milionë euro.
Gjithsesi, borxh i ri i ka tejkaluar limitet e qeverisë, e cila në kërkesën fillestare thuhej se borxhi do të merrej me një normë interesi apo kupon indikativ jo më shumë se 1.8%, ndërkohë që ka pranuar një normë interesi më të lartë në shifrën e 1.96%.
Në ankand kanë shprehur interes për të marrë pjesë 37 institucione financiare, të licencuara për këtë shërbim, ndërsa u pranuan vetëm 32 kërkesa.
Vendimi për të marrë një hua të brendshme në euro ka pasur kryesisht qëllim të shfrytëzojë likuiditetin e lirë që disponon tregu financiar dhe kryesisht ai bankar në monedhën europiane.
Edhe pse borxhi tashmë është miratuar ende nuk është saktësuar se cili do të jetë destinancioni i këtij borxhi.
Obligacionet janë instrumente financiare afatmesëm dhe afatgjatë me maturitet 2, 3, 5, 7 dhe 10-vjeçare, ato emetohen me kupon fiks pra normë fikse interesi dhe paguhet çdo 6 muaj gjatë kohëzgjatjes së instrumentit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
