Pasi fotot e qenve me qime blu të fotografuar në zonën e përjashtimit rreth centralit bërthamor të Çernobilit në Ukrainë u shfaqën në mediat sociale në tetor, pati spekulime se ishte një efekt i rrallë i rrezatimit në pamjen e kafshëve.
Megjithatë, biologu i Universitetit të Karolinës së Jugut, Timothy Musso, këshilltar shkencor i organizatës “Qentë e Çernobilit”, tani i kundërshton pretendime të tilla dhe ofron një shpjegim mjaft të keq për fenomenin. Në postimin e organizatës në Facebook, thuhet se shkaku i ngjyrës blu të qimeve tek disa qen janë kimikatet nga tualeti i lëvizshëm.
“Ngjyra blu ka shumë të ngjarë të ketë ardhur nga një tualet i lëvizshëm i përmbysur ku qentë po rrokulliseshin në jashtëqitje, siç u pëlqen të bëjnë qenve. Ngjyra blu ishte thjesht një shenjë e sjelljes johigjienike të qenve! Siç e di çdo pronar qeni, shumica e qenve hanë pothuajse çdo gjë, përfshirë jashtëqitjet”, thuhej në postim.
Lexo edhe:Trump po luan kundër së ardhmes!
Musso shtoi se qentë blu nga Çernobili nuk përfaqësojnë ndonjë mutacion apo përshtatje evolucionare ndaj rrezatimit, por ngjyra e tyre është rezultat i “sjelljes johigjienike”.
Është vlerësuar se sot rreth 700 qen enden në zonën e ndaluar në Çernobil, dhe këto kafshë – blu apo jo, janë pasardhëse të kafshëve shtëpiake të braktisura në vitet tetëdhjetë. Ata u përpoqën të gjenin strehim në pjesë të largëta të zonës, por u ndoqën nga tufa ujqërsh, popullata e të cilëve lulëzon në këtë zonë.
Qentë e lënë në Çernobil nuk lejohen të largohen nga zona. Ata gjithashtu kanë nevojë urgjente për kujdes mjekësor për shkak të kequshqyerjes, ekspozimit ndaj tërbimit dhe faktorëve të tjerë, kështu që për ta kujdeset organizata “Qentë e Çernobilit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
