Nuk kishte më surpriza në gjysmëfinale të Champions. Dy favoritët i plotësuan të gjitha parashikimet dhe PSG dhe Bayern do të përballen sot në finalen e Champions League. Ekipi i Neymar dhe Kylian Mbappe kundër një ekipi të jashtëzakonshëm, që ka shënuar 42 gola në 10 ndeshjet e këtij kompeticioni, këtë sezon. Gjermanët mund të bëhen skuadra e parë, që e fiton trofeun pa humbur asnjë prej ndeshjeve sezonale. Historike se çfarë ka arritur skuadra gjermane, e cila do të luajë finalen e njëmbëdhjetë, duke grumbulluar pesë fitore dhe pesë humbje.
Nëse Bayern kërkon trofeun e gjashtë, në anën tjetër, parizienët kërkojnë trofeun e parë dhe për të arritur deri te kjo ditë, kanë shpenzuar më shumë se 1.2 miliardë euro vitet e fundit. Midis Champions League dhe Bundesligës, Bayern ka shënuar 142 gola në 44 ndeshje, ndërsa PSG ka realizuar 102 gola në 37 ndeshje, por kampionati i tyre mbeti i papërfunduar.
Por do të jetë një duel, mbi të gjitha, midis tre emrave. Në anën e PSG: Neymar ka shënuar 19 gola dhe Mbappe 23 gola në këtë sezon, asnjëri prej tyre nuk ka shënuar në këtë fazë përfundimtare që po luhet në Lisbonë, por çdo sondazh që zhvillohet i nxjerr si dy më të mirët në planet. Tek bavarezët Robert Lewandowski ka realizuar më shumë sesa të dy bashkë (49 gola). Ndërkombëtari polak ka shënuar 15 gola në Champions League, këtë edicion, dhe nëse realizon edhe tre të tjerë në finale, atëherë do të thyejë rekordin e vendosur nga Cristiano Ronaldo më 2013-2014.
The Champions League Final is all set!
Who among these two European giants will take home the most-coveted European crown?
Will it be Bayern Munich, who are looking to secure their sixth? Or PSG, who are aiming for their first-ever title?#FCBayern #PSG #UCLFinal pic.twitter.com/ZCL0KXGxRH
— SBOTOP (@sbotopofcl) August 20, 2020
Ky do të jetë takimi i nëntë në Champions League mes PSG dhe Bayern, të cilët gjithmonë janë takuar në fazën e grupeve dhe asnjëherë në “nokaut”. Dhe është për t’u habitur që bilanci është i favorshëm për skuadrën franceze, e cila ka fituar pesë ndeshje, me Bayern që ka fituar tre. Sa për golat: 13 në favor të PSG dhe 12 për gjermanët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
