Pse të mësuarit gjatë gjithë jetës është detyrim nëse doni të arrini suksesin dhe ta ruani atë


Nëqoftëse do të intervistonit të gjithë njerëzit e suksesshëm, do të kuptonit që ata ndajnë një filozofi të përbashkët: atë të të qënurit të hapur ndaj të mësuarit në çdo fazë të jetës. Ata vazhdojnë të mësojnë dhe të rriten, në kontrast me njerëzit e pasuksesshëm, të cilit mendojnë që dinë gjithçka për t’ia dalë mbanë.

Të jesh i vendosur per të ndjekur këtë filozofi nuk është e lehtë. Shumë njerëz e shohin edukimin e vazhduar si një humbje kohe. Ajo çfarë ata nuk arrinë të bëjnë, është një mundësi për ju. Çdo ditë që vendosni të mësoni diçka të re, ju zhvilloni dhe shtoni vlerë tek vetja dhe tek ajo çka mund të ofroni. Në këmbim të saj, ju merrni gjithashtu shpërblimin e mundimit tuaj. Fakti është, që të jesh një njeri i hapur ndaj të mësuarit në çdo fazë të jetës, është kthyer në një detyrim për ata që duan të arrinë dhe mbajnë suksesin në ditët e sotme.

Tregohuni të vendosur për të mësuar gjëra të reja rreth industrisë që i përkisni. Shtoni dhe zhvilloni aftësitë tuaja aktuale. Kjo do të sjellë lindjen e më shumë mundësive në ditët në vazhdim dhe do të rrisë vlerën tuaj si ekspert.

Teksa vazhdoni të mësoni, ju do të mësoni gjithashtu për veten dhe do të kuptoni më shumë për të dhe atë çfarë jeni të aftë të bëni.

Mendësia e personave që zgjedhin të jenë pjesë e kësaj filozofie

Këta persona janë gjithmonë të hapur ndaj ndryshimeve dhe mundësive të reja. Kjo i bën të jenë gjithmonë në kërkim të sfidave, ideve dhe eksperiencave. Me anë të kësaj mendësie, ju do të rriteni, mësoni dhe zhvilloheni përtej imagjinatës, duke u bërë një version më i mirë i vetes.

Kjo mendësi ju mundëson gjithashtu ta shikoni jetën nga një perspektivë tjetër dhe të jeni mirënjohës për çdo gjë që ju ofrohet. Çdo mësim i ri është i vlerësuar dhe i respektuar, pasi e kuptoni që me kalimin e kohës, po këto mësime, do t’ju transformojnë perspektivën tuaj mbi jetën.

Procesi nuk konsiston vetëm në leximin e librave dhe mbledhjen e sa më shumë informacioneve. Ajo çfarë mësoni, duhet të vendoset në praktikë.

Të gjithë kemi dobësi të caktuara në jetët tona, të cilat mund t’i përmirësojmë. Dëshira dhe vendosmëria për të bërë këtë ndryshim të mundur, janë hapat e parë që duhen ndërmarrë.

Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale