Ekziston një arenë e re, në të cilën startup-et dhe sipërmarrësit mund të kapin një avantazh ndaj Big Tech: metaverse.
Kjo është sipas redaktores së lartë të LinkedIn, Jessi Hempel. Për ata që nuk janë të informuar, metaverse është “përvoja zhytëse dhe bashkëpunuese 3-D, që tashmë po bëhet pjesë e jetës tonë”, siç e përshkruan Hempel. Mendoni: Oculus i Facebook, HTC Vive – çdo botë e pikseluar, në të cilën ne ndërveprojmë me avatarët.
Duke shkruar për metaverse brenda listës së 29 ideve të mëdha të LinkedIn që CEO-t, sipërmarrësit dhe liderët mendojnë se do të ndryshojnë botën vitin e ardhshëm, Hempel parashikoi që kompanitë më të vogla dhe artistët solo do të kapin pjesë të kësaj bote të re të realitetit virtual.
Lexoni: Keqinformimi, shëndeti mendor dhe metaverse: një vit “i trazuar” për mediat sociale
Më poshtë ju sjellim më shumë nga parashikimi i saj:
- Hempel përshkruan një “rrëmbim toke metaverse” që tashmë është duke u zhvilluar. Kompanitë po nxitojnë të hapin platforma metaverse, të cilat, natyrisht përfshijnë përvoja të realitetit virtual si ajo e Meta-s që transportojnë përdoruesit në botë krejtësisht të reja. Por ato përfshijnë gjithashtu përvoja të realitetit të shtuar si Pokémon Go, si dhe botët shumë komplekse brenda video-lojërave.
- Kompanitë e mëdha të teknologjisë do të përpiqen të krijojnë sa më shumë kontroll mbi këtë peizazh të ri. Vetëm shikoni obsesionin e Mark Zuckerberg me metaverse dhe riemërtimin e fundit të Facebook në Meta. Microsoft gjithashtu njoftoi kohët e fundit sulmin e tij në metaverse, duke sjellë një produkt të ri të Teams në të cilin përdoruesit mund të ndërveprojnë me njëri-tjetrin duke përdorur avatarë.
- Por pavarësisht përpjekjeve më të mira të Big Tech, lojtarët më të vegjël do të kenë një rol të madh për të luajtur brenda metaverse, sipas Hempel. Kjo është për shkak se metaverse do të jenë të vështira për t’u shkëputur, falë edhe blockchain. Hempel thotë se blockchain “do të lejojë pjesëmarrësit metaverse të ndërtojnë dhe përdorin teknologji të decentralizuar, në vend që të mbështeten vetëm tek lojtarët e Big Tech”. Kjo do të nënkuptojë mundësi të shumta për startup-et dhe krijuesit brenda kësaj bote të egër digjitale.
/inc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
