Sepse liderët nuk i analizojnë realisht, ata i shpjegojnë bukur.
Kur një projekt dështon, reagimi i parë nuk është përgjegjësia, por justifikimi, mungesë kohe, burimesh, treg i vështirë, konkurrencë e fortë. Të gjitha mund të jenë të vërteta. Por shpesh fshehin problemin real, vendimet e gabuara dhe sistemet që nuk funksionojnë.
Ekspertët e lidershipit theksojnë se shumica e drejtuesve ngatërrojnë shpjegimin me analizën.
Ata bëjnë mbledhje “post-mortem”, ku secili mbron veten, ndërsa sistemi që prodhoi dështimin mbetet i paprekur.
Rezultati?
– Dështimet përsëriten
– Gabimet quhen “rrethana të paparashikuara”
– Askush nuk mban përgjegjësi reale për mënyrën si merren vendimet
Një studim i Gallup zbulon hendekun alarmues:
46% e liderëve mendojnë se janë shumë të mirë në mbajtjen e përgjegjësisë, por vetëm 30% e menaxherëve pajtohen me këtë vlerësim.
Mesazhi është i qartë:
Kompanitë nuk po mësojnë nga dështimi, po stërviten të krijojnë justifikime gjithnjë e më bindëse.
Të mësosh vërtet nga dështimi do të thotë të vësh në dyshim kulturën, proceset dhe mënyrën si merren vendimet.
Është e pakëndshme. Është e vështirë. Por është e vetmja mënyrë që gabimet të mos kthehen në model.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
