Programi “Code for Albania” dhe të rinjtë shqiptarë - Business Magazine Albania

Programi “Code for Albania” dhe të rinjtë shqiptarë

Programi “Code for Albania” çeli sërish këtë vit aplikimet për nxënësit e shkollave 9-vjeçare në të gjithë Shqipërinë. Ky program u krijua nga diaspora shqiptare në Silicon Valley në bashkëpunim me organizatën amerikane Code.X. Në të mësohet kodim dhe mendim kritik me instruktorë amerikanë dhe shqiptarë.

Organizatorët e programit “Code for Albania” dhe Alfa Plan i gjetëm në një orë leksioni të kodimit me profesoren Erisa Terolli, e cila jepte një leksion online Instituti Max Plan në Sarbruken të Gjermanisë për afro 70 nxënës dhe studentë, që e ndiqnin atë drejtpërdrejt përmes kompjuterit. Ajo po u shpjegonte bazat e programimit nxënësve të ardhshëm të Programit Code for Albania. Sivjet programi mori formatin e një kampi veror online, që është edhe më gjithëpërfshirës.

“Projekti për orën e kodimit Code for Albania e nisi më 10 dhjetor dhe u zhvillua në 10 shkolla 9-vjecare në Tiranë, deri sa pandemia i mbylli shkollat dhe gjithë program kaloi online. Kampi veror i një viti më parë me profesorë amerikanë për dy javë, sivjet ia ka lënë vendin një kampi veror online dhe regjistrimet për këtë nismë sfiduese sapo filluan” – thotë Enea Mançellari, professor i inxhinierisë kompjuterike.

Në Shqipëri rrjeti i koduesve është zgjeruar me vajza dhe djem të kthyer nga SHBA dhe BE.Një prej tyre është Zerina Bruci, eksperte e zhvillimit ekonomik, e cila u kthye në Shqipëri pas një punësimi shumë të veçantë në Sillicon Valley në fushën e zhvillimit kompjuterik. “Rrjeti i diasporës që na mbështet, tashmë po përhapet nga SilIcon Valley drejt Europës. Code for Albania u ka bërë thirrje diasporës shqiptare, bizneseve, shoqatave, institucioneve publike e shkollave që t’i bashkohen kësaj nisme, sepse ky është casti i duhur për të investuar tek tek aftësimi i të rinjve, që do ta zhvillojnë Shqipërinë në të ardhmen” – tha ekspertja Bruci.

Duke bashkëpunuar ngushtë me të rinjtë, “Code for Albania” synon të krijojë një lëvizje dhe që pas 10 vjetësh Shqipëria të ketë mbi 100 mijë kodues, duke marrë një vend në në hartën e revolucionit të katërt teknologjik. Programi “Code for Albania” është një nga nismat ambicioze në mbështetje të rinisë shqiptare. Ai u krijua në Silicon Valley të SHBA nga diaspora shqiptare në bashkëpunim me organizatën amerikane Code.X.

VOA

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0