Ekspozohuni ndaj ekosistemit gjerman për të mësuar dhe për t’u njohur me rrjetet gjermane të startup-eve dhe aktorët e tjerë të ekosistemit!
BE për Inovacion ka hapur thirrjen për aplikime për Programin e Matchmaking dhe Ekspozimit në Gjermani për 45 startup-e shqiptare nga fusha e ICT dhe Gaming. Startup-et do të kenë mundësinë të zhvillojnë më tej biznesin e tyre dhe të krijojnë lidhje me startup-e gjermanë dhe kompani, që ndajnë të njëjtin pasion!
Startup-et do të kenë mundësi të qëndrojnë në Gjermani për një periudhë prej dy javësh (14 ditë, 12 ditë të plota në Gjermani, 2 ditë për udhëtime) me të gjitha shpenzimet e mbuluara nga projekti i BE për Inovacion.
Programi i ekspozimit
Programi i ekspozimit do të shërbejë që startup-et shqiptare të sigurojnë njohuri në ekosistemin lokal (gjerman) për sa i përket aktorëve dhe shërbimeve të ofruara, me formate mësimi për të mbështetur startup-et në zhvillimin e biznesit të tyre, si dhe njohuri për komunitetin – duke menduar përmes ekspozimit ndaj komunitetit ose shkëmbimeve me anëtarët e komunitetit.
Shkëmbim një me një dhe ekspozimi me kompani gjermane, startup-e ose organizata mbështetëse të inovacionit
Përveç programit të ekspozimit, startup-et shqiptarë do të lidhen (bazuar në industrinë / sektorin e tyre) me startup-et gjermanë, kompanitë ose organizatat mbështetëse të inovacionit, për shkëmbim dhe bashkëpunim një-me-një.
Është parashikuar që të ketë tre grupe me 15 startup-e, secila pjesëmarrëse në program. Startup-et shqiptare që zgjidhen për programin do të përfaqësohen nga një individ, i cili mund të jetë themeluesi, CEO ose çdo punonjës tjetër i përfshirë në menaxhimin e startup-it. Partnerë akomodues për startup-et shqiptarë mund të jenë kompani ose startup-e që punojnë në të njëjtin sektor, me një portofol të ngjashëm produktesh ose në një fushë ku startup-i shqiptar ka nevojë të përmirësohet.
Aplikoni deri më 16 Tetor dhe mund të keni shansin për të marrë pjesë në këtë përvojë të mësuari, të fitoni një udhëtim jashtë vendit dhe të krijoni lidhje me startup-et e tjera në Gjermani, që mund t’ju ndihmojnë të rrisni biznesin tuaj dhe të zgjeroheni ndërkombëtarisht. Për të aplikuar në këtë projekt, mund të klikoni në linkun e mëposhtëm:
https://socialimp.wufoo.com/forms/qpumc4g1n2tqwk
Për më shumë informacion mund të vizitoni faqen e Projektit, duke klikuar këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
