Guvernatori i Bankës së Shqipërisë, Gent Sejko priti në një takim zv.presidentin e Bankës Botërore për Europën dhe Azinë, Siril Myler.
Guvernatori e njohu drejtuesin e lartë të BB me zhvillimet më të fundit në ekonominë shqiptare. Ai u ndal tek reformat dhe masat e ndërmarra për ringritjen e ekonomisë, si dhe treguesit pozitivë të sistemit bankar.
Nga ana e tij, Myler vlerësoi Bankën e Shqipërisë për kontributin e veçantë në ruajtjen e stabilitetit makro-ekonomik dhe konsolidimin e sistemit financiar në Shqipëri.
Në përfundim, ai shprehu angazhimin për të vazhduar bashkëpunimin me Bankën e Shqipërisë, nëpërmjet asistencës teknike dhe zhvillimin institucional të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
