Artisti shqiptar nga Gjakova, Alkent Pozhegu ka hyrë sërish në “Guinness World Records”, për një mozaik që i ka bërë Presidentit të ri të SHBA-së, Joe Biden. I riu nga Gjakova e ka realizuar mozaikun e Biden në rrugët e qytetit të tij dhe gjithçka është realizuar me fara.
Fotot e shkrepura të Alkentit duke ndërtuar mozaikun u shpërndanë në të gjithë rrjetet sociale, duke u bërë virale. Portreti mori gjithashtu vëmendjen e mediave prestigjioze të huaja si “New York Times”, “The Guardian”, “Le Dauphine”, “Sky News” dhe “Telegraph”. Në këto media ky portret dhe pamjet e shkrepura u cilësuan si “fotot e ditës”.
Kjo nuk është hera e parë për artistin Alkent Pozhegu në “Librin Guiness”. Më parë ai ka mbajtur rekordet për vepra si: “Mozaiku më i madh me gurë” në vitin 2014, dhe “Mozaiku më i madh me fara” në vitin 2017.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
